Улада

Лукашэнка: Беларусь бяздоказна абвясцілі памагатым агрэсара

«А ўслед за гэтым неадкладна былі ўведзеныя чарговыя санкцыі, а пляцоўка для перамоваў замененая», — крыўдуе Лукашэнка.

На пасяджэнні Рады бяспекі Лукашэнка заявіў, што бягучая сітуацыя вакол краіны — ён працягвае пазбягаць слова «вайна» ці «напад Расіі на Украіну» — і яе ўплыў на сацыяльна-эканамічнае развіццё Беларусі «з'яўляецца адным з найбольш актуальных для дзяржавы пытанняў і стаіць у адным шэрагу з гарантаваннем яе ваеннай бяспекі». 

Па яго словах, з «пачаткам расійскай аперацыі ва Украіне завяршылася цэлая гістарычная эпоха».

«Калі ў гэтай сітуацыі казаць пра Беларусь, то наш выбар быў відавочны.

Пасля выяўлення бясспрэчных фактаў аб рэальнай пагрозе нацыянальнай бяспецы — вы памятаеце 2020 год — намі былі прынятыя неабходныя меры для абароны сваёй краіны.

Абсалютна правамерна задзейнічаны механізм ваеннай падтрымкі ў рамках нашага Саюза Беларусі і Расіі», — адзначыў Лукашэнка.

Ён расказаў, што амаль адразу пасля пачатку актыўнай фазы баявых дзеянняў на тэрыторыі Украіны, Беларусь традыцыйна пастаралася наладзіць дыялог паміж бакамі канфлікту.

«Мы чарговым разам прапанавалі Расіі і Украіне бяспечнае месца для перамоваў, — адзначыў Лукашэнка. — Наша ініцыятыва была імі пачутая і з удзячнасцю прынятая — у Беларусі ўжо прайшлі тры сустрэчы, дзе былі вызначаныя шляхі руху да мірнага ўрэгулявання».

Аднак прафесійныя дзеянні беларускіх вайскоўцаў і дыпламатаў засталіся незаўважанымі на Захадзе, на думку Лукашэнкі.

«Бяздоказна і беспадстаўна Беларусь была абвешчаная «памагатым агрэсара», а ўслед за гэтым неадкладна былі ўведзеныя чарговыя санкцыі, а пляцоўка для перамоваў замененая», — крыўдуе Лукашэнка.

Упершыню Аляксандр Лукашэнка ўжыў гэтае слова — агрэсар.

Перад нападам на Украіну Аляксандр Лукашэнка ў інтэрв'ю расійскаму прапагандысцкаму ТВ заяўляў, што вайна ва Украіне працягнецца 3 — 4 дні. У час вайны ён некалькі разоў заклікаў кіраўніцтва Украіны капітуляваць, пагражаючы, што інакш тое самае прыйдзецца зрабіць пазней на горшых умовах.

У сённяшнім выступе Аляксандр Лукашэнка сыходзіць з таго, што ліквідаваць і расчляніць Украіну Расіі не ўдасца і патрабуе для сябе месца ў пасляваенным уладкаванні рэгіёна.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Хавалі адны берцы». Стала вядома, чаму жыхар Рэчыцы пайшоў ваяваць супраць Украіны7

«Хавалі адны берцы». Стала вядома, чаму жыхар Рэчыцы пайшоў ваяваць супраць Украіны

Усе навіны →
Усе навіны

У Нацыянальным мастацкім музеі праходзіць незвычайная выстаўка1

Расіянку, якая паказала найлепшы сярод суайчыннікаў вынік на Такійскім марафоне, дыскваліфікавалі за махлярства4

«Далібог, яна адзіная, іншых няма». Хто такая Лаціфа аш-Шараа — першая лэдзі Сірыі?2

У Беларусі з’явіўся сэрвіс дастаўкі лекаў. Пакуль ён працуе ў тэставым рэжыме

Рэцэпты для шчаслівых уладальнікаў вафельніцы2

Беларуская доктарка расказала цікавы сакрэт, як хутка пазбавіцца ад сіняка8

Неабходную суму для журналісткі Ксеніі Луцкінай сабралі за два дні2

У пятніцу зноў было амаль +20°С1

Аляксей Протас прызнаны першай зоркай матча «Вашынгтона»

больш чытаных навін
больш лайканых навін

«Хавалі адны берцы». Стала вядома, чаму жыхар Рэчыцы пайшоў ваяваць супраць Украіны7

«Хавалі адны берцы». Стала вядома, чаму жыхар Рэчыцы пайшоў ваяваць супраць Украіны

Галоўнае
Усе навіны →

Заўвага:

 

 

 

 

Закрыць Паведаміць