Ціханоўская: Еўропа перамагла Гітлера не «прымірэннем», а рашучымі і ўзгодненымі дзеяннямі
Сёння ў нідэрландскім Мідэлбургу прэм'ер-міністр Нідэрландаў Марк Рутэ разам з прапраўнучкай славутага амерыканскага прэзідэнта Франкліна Дэлана Рузвельта ўручылі Святлане Ціханоўскай медаль чатырох свабод імя Рузвельта. Ціханоўская, як звычайна, прысвяціла гэтую ўзнагароду ўсім беларусам, якія змагаюцца за вызваленне Беларусі і выступіла з невялікай прамовай.
У прыватнасці, Ціханоўская сказала:
«Я ведаю, што гэтая ўзнагарода — для тысяч людзей, якія змагаюцца з гвалтам у Беларусі і ва ўсім свеце. Хачу падзяліцца з вамі словамі беларускага філосафа Уладзіміра Мацкевіча, які цяпер адзін з многіх нявінных людзей за кратамі. Ягоны галоўны ўрок для ўсіх нас быў вельмі простым, але рэвалюцыйным. Ён сказаў: называйце рэчы сваімі імёнамі.
Дарагія сябры, інакш і не скажаш: аўтарытарныя рэжымы сёння — абсалютнае зло. Гэтае зло расце як хвароба, і яно не спыніцца ў Беларусі і ва Украіне.
Я малюся, каб гэтага не адбылося — але могуць быць і іншыя ахвяры. Польшча? Літва? Нідэрланды? Вы ведаеце, гэта ўсяго 2,5 гадзіны палёту з Украіны ці Беларусі.
Пытанне, якое мы павінны задаць, заключаецца ў тым, што мы павінны зрабіць, каб здабыць свабоду.
Гісторыя ведае адказ.
Еўропа здабыла свабоду ад Гітлера не з дапамогай палітыкі «прымірэння», а з дапамогай рашучых і адзіных дзеянняў супраць гітлераўскага рэйха. Толькі калі свет аб'яднаецца ў барацьбе са злом, тады мы зможам перамагчы. Не будзем забывацца, што салідарнасць і чалавечнасць — наша галоўная сіла. Менавіта яна адрознівае нас ад абсалютнага зла».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары