Як жонка Сашы Філіпенкі даказала маці, што ў Расіі нельга быць за мір. «Маша купіла білет Лондан — Пецярбург»
Жонку пісьменніка Сашы Філіпенкі Марыю затрымалі ў Пецярбургу за дыскрэдытацыю Узброеных сілаў Расійскай Федэрацыі. Пра пары, якое скончылася складаннем пратаколу, Філіпенка напісаў у Фэйсбуку.
«Спачатку Маша доўга спрабавала растлумачыць маме, што ў Расіі здарылася сапраўдная катастрофа, затым, страціўшы надзею, дадала, што нават з такім плакатам нельга выйсці на вуліцу. Цешча не пагадзілася і тады Маша купіла білет Лондан — Пецярбург, прыляцела і выйшла на Неўскі», — апісвае падзеі Філіпенка.
На плакаце, які трымала яго жонка, быў надпіс: «Мая мама сказала, што мяне не могуць затрымаць за гэтыя словы, таму што: «Расія — свабодная краіна, а У.У. Пуцін — самы годны прэзідэнт».
На жанчыну склалі пратакол за публічныя дзеянні, накіраваныя на дыскрэдытацыю Узброеных сілаў Расійскай Федэрацыі.
«Маме даказана — у сучаснай Расіі выходзіць з плакатам «Не вайне!» — нельга», — падсумаваў здарэнне Саша Філіпенка.
Цяпер чытаюць
Вядучы СТБ Раман Пратасевіч пабраўся шлюбам трэцім разам49
Вядучы СТБ Раман Пратасевіч пабраўся шлюбам трэцім разам
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю44
Каментары