Міністэрства эканомікі завяршыла фармаванне спісу пазіцый для імпартазамяшчэння. Цана пытання — 2,5 млрд даляраў. Пра гэта паведаміў першы намеснік міністра эканомікі Юрый Чабатар, паведамляе reform.by.
«Мы з расійскімі партнёрамі прааналізавалі таварныя пазіцыі, якія паступалі з недружалюбных краін, і вызначылі тыя нішы, якія можна асвоіць. Па выніках паўтара месяцаў ужо дасягнутыя першыя вынікі. Напрацаваныя прапановы па крыху больш чым 10 інвестпраектах, якія зацікавілі нашых партнёраў па Саюзнай дзяржаве, у розных галінах — сельгасмашынабудаванні, аўтамабілебудаванні, машынабудаванні, нафтахіміі, прыборабудаванні. Вынікам іх рэалізацыі стане выпуск запатрабаваных на нашых рынках прадуктаў.
Паводле яго слоў, у бліжэйшы час будзе апублікаваны спіс тавараў, якія трэба імпартазамясціць. Мяркуецца, што ён стане арыенцірам для бізнэсу, а таксама банкаў — якія праекты крэдытаваць на льготных умовах. Чабатар назваў некаторыя складнікі пераліку:
— вузлы і агрэгаты для аўтамабілебудавання,
Таксама ёсць пазіцыі ў прыборабудаванні і дрэваапрацоўцы. Паводле яго слоў, таксама гатовы пералік з 30 распрацовак айчынных навукоўцаў, якія застаецца толькі ўкараніць.
«Калі казаць аб штогадовым імпарце, які ў сярэднім завозілі да нас з недружалюбных краін, то гаворка ідзе аб парадку 8 млрд даляраў. А ўсяго на агульны з Расійскай Федэрацыяй рынак паступала прадукцыі на сотні млрд даляраў. Паводле нашых ацэнак, толькі сыход кампаній па дрэваапрацоўцы і мэблевай прамысловасці адкрывае нішу ў 5-6 млрд даляраў, у харчовай прамысловасці-каля 17-20 млрд даляраў. Гэта значыць, на рынку маюцца неабмежаваныя магчымасці для разгортвання вытворчасцяў», — лічыць першы намеснік міністра.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё9
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары