Медцэнтр «Кравіра» чакае пазапланавую праверку? Уладальнік: Вядзецца проста работа з дакументацыяй
Як стала вядома «Нашай Ніве» ад супрацоўнікаў медцэнтра, «Кравіра» рыхтуецца да пазапланавай дзяржаўнай праверкі дзейнасці.
Яна мае распачацца ў чэрвені.
Праверка магчыма на фоне тэрарызавання сферы прыватнай медыцыны. Нагадаем, што з 16 мая прыпыненая дзейнасць «Ладэ». У «Нардзін» прыходзіў ДФР, затрымлівалі заснавальніка цэнтра доктара Сайкова.
«Кравіра» — гэта сетка клінік, якая працуе ўжо 20 год. У штаце — больш за сто дактароў. У цэнтры ёсць дзіцячае і дарослае аддзяленні, кірунак пластычнай хірургіі і касметалогіі, стаматалогія.
Пра тое, што праверкі прыватных цэнтраў будуць працягнутыя, заявіў і Дзяржкантроль. У тым ліку возьмуцца і за стаматалогіі, піша «Спутнік».
Абноўлена. Уладальнік клінікі Аляксандр Пракаповіч пазней абверг у каментары Беларускаму расследавальніцкаму цэнтру паведамленні аб падрыхтоўцы інспекцыі.
«У сувязі са зменай заканадаўства вядзецца планавая работа з дакументацыяй, можа, гэта насцярожыла нашых супрацоўнікаў. Але як мне сказалі, афіцыйнай, ды і неафіцыйнай інфармацыі аб праверцы ў нашага кіраўніцтва няма. Так што гэта толькі чуткі», — заявіў Аляксандр Пракаповіч.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым7
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары