«Справа траўматолагаў»: людзі прадаюць кватэры і дамы, каб разлічыцца са следствам па дзесяцікратным мульціплікатары
Працягваецца драматычнае развіццё «справы траўматолагаў», у рамках якой КДБ кашмарыла артапедаў па ўсёй рэспубліцы. Пасля заступніцтва Піневіча і даручэння Лукашэнкі «узяць на парукі» затрыманых тым выставілі драконаўскія ўмовы выхаду. Частка застаецца ў ізалятарах, частка вымушана прадаваць маёмасць, каб разлічыцца.
Чытайце таксама: «Справа траўматолагаў»: людзей не выпускаюць праз 10 сутак, сталі вядомыя дэталі абвінавачвання
Як вядома «Нашай Ніве», абвінавачаным па справе выстаўлены дзесяцікратны мульціплікатар ад «нанесенай шкоды»: у кагосьці сума выкупу перавышае сотню тысяч даляраў.
«Нехта, каб разлічыцца, вымушаны быў прадаць кватэру, нехта — недабудаваны дом. Тыя, хто не прызнаў віну і не сплаціў шкоду, — па-ранейшаму сядзяць. Адказ на пытанні родных кожны дзень ад следчых адзін: «Збірайце грошы»,
— сказаў «Нашай Ніве» абазнаны суразмоўца.
Тыя, хто кампенсаваў «шкоду», адпушчаныя на працоўныя месцы.
«Выйшлі пад запэўніванне следчых аб мяккім прысудзе, які будзе выглядаць як прымусовыя працы па бягучым месцы работы», — дадаў суразмоўца.
«Наша Нiва» — бастыён беларушчыны
ПАДТРЫМАЦЬ
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары