Жыхары жыллёвага комплексу «Каскад» расказалі «Нашай Ніве», што пазаўчора — удзень 21 чэрвеня — былі сведкамі бойкі са стралянінай у сваім двары. У выніку пацярпеў падлетак.
«Быў вечаровы час, гадзін 19. У двары тузалася кампанія. Не майстры спорту, я асабліва не глядзела.
Потым пачуўся характэрны грукат, аднак таксама не асабліва зацікавіў. Але пасля прыехала хуткая, вывалілі медыкі, атачылі падлетка на зямлі — сталі апрацоўваць нагу аднаму з удзельнікаў тузаніны.
Я б сказала, што з выгляду яму было гадоў 16. Апрацоўвалі яму верхнюю частку нагі», — расказала сведкай падзей.
Па яе словах, потым прыехала міліцыя і забрала малалетніх удзельнікаў. Аднак таго, хто страляў, не забралі — ён нейкі час яшчэ хадзіў па раёне.
«Можа быць, шукаў іншых удзельнікаў. Бо, як стала зразумела ў наступным (але гэта могуць быць і чуткі), тузаніна была паміж падлеткамі і супрацоўнікам нейкага сілавога ведамства, які ў выніку стрэліў з траўматычнага пісталета ў нагу гэтаму пацану», — паведамілі «Нашай Ніве».
Калі вам нешта вядома пра гэту гісторыю, напішыце ў наш бяспечны бот у тэлеграме (@nasa_niva_bot), каб дапоўніць.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары