З 5 ліпеня Абсалютбанк змяніў назву і перастаў быць банкам. Цяпер гэта нябанкаўская крэдытна-фінансавая арганізацыя «ОптыКурс». Гэтае рашэнне раней было ўзгодненае з Нацбанкам.
«Оптыкурс» зможа ажыццяўляць наступныя банкаўскія аперацыі:
— прыцягненне грашовых сродкаў юрыдычных асоб, акрамя банкаў-карэспандэнтаў, на рахункі і ва ўклады (дэпазіты);
— адкрыццё і вядзенне банкаўскіх рахункаў юрыдычных асоб, акрамя банкаў-карэспандэнтаў;
— ажыццяўленне разліковага і касавага абслугоўвання фізічных і юрыдычных асоб, у тым ліку банкаў-карэспандэнтаў;
— валютна-абменныя аперацыі;
— давернае кіраванне грашовымі сродкамі па дамове давернага кіравання грашовымі сродкамі;
— інкасацыя наяўных грашовых сродкаў, каштоўных металаў і каштоўных камянёў і іншых каштоўнасцяў;
— прадастаўленне фізічным і юрыдычным асобам спецыяльных памяшканняў або змешчаных у іх сейфаў для банкаўскага захоўвання дакументаў і каштоўнасцяў (грашовых сродкаў, каштоўных папер, каштоўных металаў і каштоўных камянёў і інш.);
— перавозка наяўных грашовых сродкаў, каштоўных металаў і каштоўных камянёў і іншых каштоўнасцяў паміж банкамі і нябанкаўскімі крэдытна-фінансавымі арганізацыямі, іх адасобленымі і структурнымі падраздзяленнямі, а таксама дастаўка такіх каштоўнасцяў кліентам банкаў і нябанкаўскіх крэдытна-фінансавых арганізацый.
Разам з тым з-за змены юрыдычнага статусу банка на нябанкаўскую крэдытна-фінансавую арганізацыю ў кампаніі адклікалі ліцэнзію на ажыццяўленне банкаўскай дзейнасці па такіх аперацыях, як:
— прыцягненне грашовых сродкаў фізічных асоб на рахункі і (або) ва ўклады (дэпазіты);
— размяшчэнне прыцягнутых грашовых сродкаў фізічных і юрыдычных асоб на рахункі і ва ўклады (дэпазіты) ад свайго імя і за свой кошт на ўмовах зваротнасці, платнасці і тэрміновасці;
— адкрыццё і вядзенне банкаўскіх рахункаў фізічных асоб;
— выпуск у абарачэнне (эмісія) банкаўскіх плацежных картак;
— выдача каштоўных папер, якія пацвярджаюць прыцягненне грашовых сродкаў ва ўклады (дэпазіты) і размяшчэнне іх на рахунках.
Раней Абсалютбанк трапіў пад санкцыі ЗША і Канады. Яго звязвалі з бізнэсменам Мікалаем Вараб'ём, які таксама знаходзіцца пад санкцыямі ЗША і ЕС.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары