Да канца года Літва адгародзіцца плотам ад Беларусі па ўсёй мяжы
Сёлета Літва плянуе завяршыць будаўніцтва фізічнага бар'ера разам з сістэмай назірання па ўсёй мяжы з Беларуссю. Пра гэта заявіў намеснік міністра ўнутраных спраў Літвы Арнольдас Абрамавічус, піша Радыё Свабода.
Абрамавічус адзначыў, што дзякуючы рашучым крокам Літвы летась у адказ на штучна выкліканы міграцыйны крызіс удалося спыніць наплыў мігрантаў і перанакіраваць іх назад у Беларусь. Аднак ён прызнаў, што сітуацыя пагаршаецца відавочнай супярэчнасцю паміж правам краін — сябраў Еўрапейскага саюза абараняць свае межы і пэўнымі законамі ЕС адносна наяўнасці ў мігрантаў права звяртацца з просьбай аб прытулку дзе заўгодна.
«Мы як дзяржава-ўдзельніца прапануем Камісіі, Радзе ЕС унесці змены ў заканадаўства, у прыватнасці адносна Шэнгенскага кодэкса аб межах, каб улічыць фізічны барʼер як сродак забеспячэння абароны мяжы і разгледзець некаторыя спецыяльныя меры, каб прадухіліць інструменталізацыю мігрантаў», — сказаў Абрамавічус.
Паводле яго, Літва спыніла наплыў мігрантаў і кантралюе сітуацыю, але геапалітычная сітуацыя ў рэгіёне пасля леташняга міграцыйнага крызісу пагоршылася, бо «гібрыдная агрэсія ператварылася ў вайну ва Украіне, у якой Беларусь з'яўляецца саюзнікам прэзідэнта Расіі Пуціна».
Літва — не адзіная краіна, якая фізічна адгароджваецца ад Беларусі пасля міграцыйнага крызісу мінулага года. Нядаўна заявіла пра завяршэнне будаўніцтва 186-кіламетровай памежнай сцяны Польшча.
Чытайце таксама:
Макей паскардзіўся на польскую памежную сцяну ў ЮНЕСКА
-
Заплацілі 8000 даляраў за пуцёўку — і атрымалі кашмар. Як беларусы з'ездзілі ў Турцыю ў пяцізоркавы гатэль
-
Беларуская сям'я 10 гадоў не магла знайсці схаваную заначку. Грошы ўвесь гэты час ляжалі ў печы
-
На месцы палеалітычнай стаянкі ў вёсцы Юравічы правялі фестываль пра мамантаў і першабытных людзей. Гісторыкі ацэньваюць яго скептычна
Каментары