Дзяўчынка, якая загінула ў Вінніцы, здымалася ў калядным роліку з Аленай Зяленскай
Пра гэта першая лэдзі Украіны напісала ў інстаграме і апублікавала ролік:
«Сёння мы з жахам пабачылі фота перакуленага дзіцячага вазка з Вінніцы. І пасля, чытаючы навіны, я зразумела, што ведаю гэтую дзяўчынку. Ведала. Маленькая Ліза сёння загінула ад расійскай ракеты. Я не буду цяпер пісаць усе словы, якія мне вельмі хацелася б сказаць тым, хто яе забіў. Я напішу вам пра яе.
З гэтай цудоўнай дзяўчынкай мы пазнаёміліся на здымках каляднага відэа. Светлае, шчырае, радаснае дзіця, якое гадавалася ў любові. Маленькая гарэзніца тады за паўгадзіны паспела размаляваць фарбамі не толькі сябе, сваю святочную сукенку, але і ўсіх астатніх дзяцей, мяне, аператараў і рэжысёра…
Калі ласка, паглядзіце на яе жывую. Я плачу разам з яе блізкімі».
Лізе было 4 гады. Маці пераехала з ёй з Кіева ў Вінніцу да бабулі ў першыя дні вайны, каб засцерагчы асаблівае «сонечнае» дзіця ад бамбёжак.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі77
Каментары