Святлана Ціханоўская запрасіла ўсіх ахвотных на Канферэнцыю Новай Беларусі
«Вы казалі «збярыцеся разам і дайце голас усім» — і мы разам з партнёрамі, Каардынацыйнай Радай, BYPOL, НАУ, палітыкамі, грамадзянскімі ініцыятывамі, бізнэсамі, аналітыкамі і незалежнымі экспертамі збярэмся разам на Канферэнцыю Новай Беларусі», — гаворыцца ў паведамленні дэмакратычнай лідаркі Беларусі.
Канферэнцыя пройдзе 8—9 жніўня ў Вільні.
Форма рэгістрацыі на Канферэнцыю адкрытая, і ў дадатак да гэтага Ціханоўская асабіста запрасіла прадстаўнікоў абсалютна розных сілаў і меркаванняў. Будуць абмеркаванні на наступныя тэмы:
- Якімі павінны быць стратэгічныя прыярытэты працы зараз?
- Якім будзе транзітны перыяд і хто павінен адказваць за яго?
- Як стварыць умовы для годнага жыцця і выратаваць краіну ад эканамічнага крызісу?
- Як рэарганізаваць дэмакратычныя сілы пад задачы, якія мы вылучым разам?
Галоўным вынікам двух дзён працы павінна стаць тое, што ўдзельнікі разам дамовяцца, што рабіць далей — і будуць працаваць адзіным фронтам.
«Што важна — збяруцца не толькі палітыкі — але і журналісты, прадпрымальнікі, актывісты і аналітыкі, прадстаўнікі НДА, лекары, артысты, настаўнікі і спартоўцы. Мы дамо пляцоўку для абмеркавання пытанняў медыя, бізнесу і грамадзянскай супольнасці. А галоўнае — усё гэта будзе даступна ў анлайн-трансляцыі. Мы будзем чытаць вашыя каментары і адказваць на вашыя пытанні. Мы будзем побач і разам».
- Задаць пытанні па Канферэнцыі можна па спасылцы.
- Праграма Канферэнцыі — па спасылцы.
- Форма для рэгістрацыі — па спасылцы.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары