Цікавае архітэктурнае рашэнне: у старым будынку ў Брэсце адкрылі краму, захаваўшы аўтэнтычныя сцены
У пабудове для абознага захоўвання канца XIX — пачатку XX стагоддзя, што на вуліцы Чырвонагвардзейскай у Брэсце, размясцілася крама. Рэшткі старога фасада ўпісалі ў новую пабудову.
![](http://nashaniva.com/img/w840d4webp1/photos/z_2022_07/santa2_220728-7xpos.jpg.webp)
Ад старой цаглянай пабудовы захавалі некалькі сцен і вокны з кратамі і спалучылі іх са шклянымі фасадамі. Месяц таму ў такім выглядзе запрацавала крама «Санта».
![](http://nashaniva.com/img/w732d4webp1/photos/z_2022_07/santa3_220728-a4lv1.jpg.webp)
![](http://nashaniva.com/img/w732d4webp1/photos/z_2022_07/santa4_220728-819pk.jpg.webp)
«Захаваліся даныя ад 1914 года, з якіх вынікае, што на той момант у казармах Граеўскай слабады дыслакаваліся падраздзяленні 38-й дывізіі ў складзе Варшаўскай ваеннай акругі, 19-ы інжынерна-сапёрны батальён, камандзір — Гаўрыіл Гаўрыілавіч Іваноў, і 149-ы Чарнаморскі полк пад камандаваннем палкоўніка Наркіса Іосіфавіча Альшэўскага. З пачаткам Першай сусветнай вайны падраздзяленні пайшлі на фронт. Падчас кайзераўскай акупацыі Брэст-Літоўска (1915-1918) у казармах быў уладкаваны тылавы шпіталь для вайскоўцаў. У перыяд міжваеннай Польшчы комплекс быў перайменаваны ў гонар нацыянальнага героя краіны, маршала Юзэфа Пілсудскага», — расказваў «Рэальнаму Брэсту» галоўны архітэктар праекта Андрэй Барташ.
На фасадзе захаваліся надпісы з рознымі датамі. Іх маглі пакінуць ваенныя, якія стаялі ў каравульнай службе.
![](http://nashaniva.com/img/w732d4webp1/photos/z_2022_07/santa1_220728-q7w8g.jpg.webp)
Каментары
Праўда раю загугліць Fabryka Norblina w Warszawie.
Памятаю, як там стаялі нейкія прамысловыя разваліны ста ці больш гадовай даўніны, але зараз тым выдатнае месца гарадскога адпачынку і акамуляцыі грошаў.
НН, калі цікава разглядзіце варшаўскія кейсы Elektrownia lub Fabryka Norblina.
сказала б я якія яшчэ казармы ў Брэсце можна ў гандлёвыя рады перарабіць... але нельга