Сябры гарадской рады зімбабвійскага Булаваё адхілілі распараджэнне ўрада аб закупе пажарных машын у Беларусі, паведамляе reform.by са спасылкай на мясцовыя СМІ.
Паводле распараджэння ўрада, горад павінен быў закупіць пажарныя машыны ў Беларусі за кошт сродкаў мясцовых органаў улады. Аднак чальцы рады заявілі, што пажарны транспарт не з'яўляецца для мясцовых прыярытэтам. Замест гэтага яны будуць выкарыстоўваць сродкі для вырашэння іншых надзённых праблем, такіх як аднаўленне інфраструктуры горада, якая руйнуецца.
Міністэрства па справах мясцовага самакіравання Зімбабвэ заявіла аб закупцы 70 адзінак пажарнай тэхнікі ў Беларусі на суму 32 млн долараў.
Машыны планавалася купіць у кампаніі, якой валодае Аляксандр Зінгман, ганаровы консул Зімбабвэ ў Беларусі.
Міністэрства хацела, каб пакупку прафінансавалі мясцовыя саветы. Кошт адной машыны быў ацэнены ў 464 тысячы даляраў (у Беларусі аналагічныя аўтамабілі, мяркуючы па сайце дзяржзакупак, ацэньваюцца ў суму каля 100 тысяч долараў). Крытыкі называюць гэтую цану завышанай і абвінавачваюць міністра па справах мясцовага самакіравання ў спробе абысці сістэму публічных таргоў.
У ліпені паведамлялася, што зімбабвійскія парламентарыі ад апазіцыі і кіруючай партыі асудзілі здзелку ўрада па закупцы пажарных машын у Беларусі.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары