У Варшаве збілі вядомага беларускага блогера і яго дзяўчыну. Што здарылася?
Беларускі блогер Марцін Крам, які ўжо каля 5 гадоў жыве ў Польшчы, апублікаваў відэа, дзе распавядае, як у суботу 13 жніўня яго разам з дзяўчынай пабілі п'яныя ў Варшаве.
Вось як выглядаў канфлікт. Па словах хлопца, яны з дзяўчынай былі на танцпляцоўцы і незразумела, з чаго ўсё пачалося. Першай, каго ўдарылі, была дзяўчына Каця. Яе нехта ўдарыў па галаве ззаду — не ясна, выпадкова ці наўмысна. Беларусы пайшлі высветляць, хто гэта быў. Калі яны пабачылі таго незнаёмага мужчыну, сталі размаўляць з ім. Блогер згадвае, што ў пэўны момант той прамовіў па-польску «спердаляйце з Польскі» — «валіце з Польшчы».
Яны пайшлі за тым мужчынам, каб той не збег, здымалі яго на відэа. Калі ў кадр трапіў іншы ўдзельнік кампаніі, ён пабег у бок беларусаў і стаў хапаць і біць блогера, як расказвае Марцін.
Частку канфлікту відавочцы запісалі на відэа. Цяпер блогер шукае сведак інцыдэнту. Як відаць з урыўкаў відэа, нападнікі былі моцна п’яныя.
Крам распавядае, што званіў у паліцыю, але яму было складана патлумачыць, дзе яны знаходзяцца, паколькі гэта адбывалася не па канкрэтным адрасе, а побач з танцпляцоўкай адной з устаноў на беразе Віслы. Пазней з дапамогай гарадской аховы ім удалося затрымаць аднаго з нападнікаў. Пасля прыезду паліцэйскія запісалі ўсе даныя і мужчыну вызвалілі, паколькі паліцыянты паведамілі, што гэта, хутчэй за ўсё, будзе грамадзянска-прававая справа. Прыйсці напісаць заяву Марціну прапанавалі на наступны дзень, паколькі сам хлопец і яго дзяўчына таксама ўжывалі алкаголь.
Поўны расказ Марціна пра тое, як развіваўся канфлікт і што было далей, можна паглядзець на яго ютуб-канале.
Хто такі Марцін Крам?
Марцін — былы беларускі міліцыянер з Гродна, каля пяці гадоў таму сышоў з міліцыі і з’ехаў у Польшчу, дзе, працуючы ахоўнікам, паралельна запісваў гумарыстычныя відэа для Instagram. Шырокую папулярнасць хлопец набыў у 2020 годзе, калі пачаў рабіць ролікі на палітычную тэматыку. Марцін здымаецца ў відэа для сваіх каналаў у Instagram і Youtube, у праграме «Вечаровы шпіль» на канале «Белсат».
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары