На коміка Аляксандра Гудкова ў Расіі просяць завесці крыміналку за пародыю на песню «Я — рускі»
Чатыры дні таму Аляксандр Гудкоў апублікаваў кліп «Я — вузкі» — пародыю на песню «Я — рускі» спевака Shaman. Цяпер «рускія патрыёты» пагражаюць яму крыміналкай, паведамляе Mash.
Старшыня генсавета Грамадзянскага камітэта Расіі Артур Шлыкаў напісаў афіцыйны запыт у Генпракуратуру і папрасіў узбудзіць у дачыненні да Гудкова крымінальную справу па артыкуле 282 КК РФ «Абуджэнне нянавісці альбо варожасці, а роўна зневажэнне чалавечай годнасці».
Пакаранне па гэтым артыкуле — штраф альбо пазбаўленне волі на тэрмін ад двух да пяці гадоў.
На думку Шлыкава, у гэтым кліпе можа быць намер прыніжэння людзей, якія адносяць сябе да рускіх патрыётаў».
За чатыры дні кліп Гудкова набраў 1,2 мільёна праглядаў.
У Shaman на канале яго песня «Я — рускі» мае 12 млн праглядаў.
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца17
Каментары