«Палатніка» Клішэвіча пусцілі ў Еўропу. Ён сустрэўся з партугальскімі таварышамі
Дэпутата Палаты прадстаўнікоў Сяргея Клішэвіча пусцілі ў Еўрасаюз на сустрэчу з партугальскімі камуністамі. Прыхільнік Лукашэнкі апублікаваў фота, як цісне руку генеральнаму сакратару партугальскай Камуністычнай партыі Жэроніму дэ Соўза і кіраўніку міжнароднага аддзела партыі Пэдра Герэйра.
Клішэвіч пры гэтым сцвярджае, што партугальскія камуністы нібыта падтрымалі «асаблівы шлях развіцця Беларусі».
Сустрэча адбылася ў партугальскім муніцыпалітэце Сейшал на фестывалі Festa do Avante.
Сябра Камуністычнай партыі Беларусі Сяргей Клішэвіч — перакананы прыхільнік масавых рэпрэсій, якія беларускі рэжым цяпер праводзіць у Беларусі, сам удзельнічае ў іх апраўданні і правядзенні
Партугальская Камуністычная партыя налічвае ў сваіх шэрагах больш за 50 тысяч чалавек. Цяпер яна разам з зялёнымі, з якімі стварыла кааліцыю «дэмакратычнага адзінства», мае 14 месцаў у парламенце, з якіх 12 дэпутатаў — члены Кампартыі. Прадстаўнікі партыі кіруюць 19 муніцыпальнымі раёнамі Партугаліі.
Каментары
Гэта яшчэ раз падкрэсьлівае, у 2020 быў шабаш дзе
людзей па спланаванаму сцэнару тупа зьлілі і Сьвета дапамагла Лукашэнка ўтрымацца.
...гэта яшчэ раз падкрэсьліаае што ніхто акрамя беларусаў не будзе вырашаць нашае нацыянальнае пытаньне.
Нацыяналізацыя і прыватызацыя не за гарамі. :)