Панк-музыку з дзверцамі ад халадзільніка і ў кайданках затрымліваў сын Паўлічэнкі — BYPOL
Аб'яднанне былых сілавікоў BYPOL устанавіла, хто затрымліваў музыканта-будаўніка Віктара Жаркевіча.
Відэа з затрыманым было распаўсюджанае 5 верасня. На відэа сілавікоў мінчук Віктар Жаркевіч трымае ў руках дзверы ад халадзільніка, залепленыя пратэснымі стыкерамі — з бчб-сцягамі і з анархісцкімі лозунгамі. На галаву мужчыны надзетая чырвоная каска з Пагоняй, рукі — у кайданках. Дзверы халадзільніка мужчыну змусілі цягнуць да аддзялення.
Канвой на кароткім відэа апрануты ў спартыўныя касцюмы, кепкі, а твары схаваў пад маскамі, з-пад якіх бачныя толькі вочы і нос.
Аднак BYPOL устанавіў супрацоўнікаў САХР Унутраных войск МУС. Сцвярджаецца, што гэта — Арцемій Паўлічэнка, сын Дзмітрыя Паўлічэнкі, а таксама Кірыл Барысік, які тройчы з'яўляўся пацярпелым па крымінальных справах супраць пратэстоўцаў.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары