Мінздароўя прыпыніла дзейнасць мінскай клінікі «Мерсі», якая лічылася праўладным бізнэсам
Міністэрства аховы здароўя разгледзела пытанне аб выкананні заканадаўства аб ахове здароўя, ліцэнзаванні, санітарна-эпідэміялагічным дабрабыце насельніцтва ў ТАА «Клініка «Мерсі». Па выніках было прынята рашэнне — дзейнасць клінікі з 26 верасня прыпыненая. Пра гэта паведамляе прэс-служба Мінздароўя.
Прычынай для такога рашэння называюць ️ грубыя парушэнні ліцэнзійных патрабаванняў і ўмоў, факты невыканання клінічных пратаколаў дыягностыкі і лячэння, зацверджаных Міністэрствам аховы здароўя, парушэнні ў правядзенні медыцынскіх аглядаў, арганізацыі і правядзенні экспертызы часовай непрацаздольнасці, ️ парушэнні ў арганізацыі і аказанні неадкладнай медыцынскай дапамогі, ️ парушэнні ў сферы абарачэння лекавых сродкаў, ️а таксама парушэнні санітарна-эпідэміялагічных патрабаванняў, санітарных нормаў, правілаў і гігіенічных нарматываў.
Медцэнтр гэты зусім новы, ён адкрыўся 28 студзеня 2021 года па адрасе Ігнаценкі, 8 (недалёка ад гасцініцы «Вікторыя» і музея ВАВ). Пасля «справы артапедаў» менавіта клініка «Мерсі» стала адзінай, у якой ставілі імпартныя суставы.
Цікава тое, што гэтую клініку звязвалі з уладнымі інтарэсамі. Так, журналісты «Беларускага наследавальнага цэнтра» нядаўна высветлілі, што ў клінікі «Мерсі» чатыры ўладальнікі, якія маюць у бізнэсе роўныя долі. Гэта Максім Тураў, Людміла Няронская, Наталля Караткевіч і кампанія «Грузавая служба». Паміж сабой іх звязвае не толькі клініка, але і іншы бізнэс, а таксама сувязі з «набліжанымі» да Аляксандра Лукашэнкі бізнэсоўцамі і знаёмства са старэйшым сынам Лукашэнкі Віктарам.
Чытайце таксама:
«Замест «Ладэ». Супрацоўнікаў ЕРАМ стаў абслугоўваць «Мерсі», уласнікаў якога звязваюць з сям'ёй Лукашэнкі
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары