Дар'я Далідовіч, дачка знакамітага беларускага лыжніка Сяргея Далідовіча, год таму стала чэмпіёнкай Беларусі па лыжах сярод юніёрак. Але ў пачатку 2022 года яны з бацькам былі вымушаныя з'ехаць з Беларусі, а 1 кастрычніка Дарʼя стала чэмпіёнкай Польшчы па біятлоне сярод юніёрак. Пра гэта паведаміў у Фэйсбуку Сяргей Далідовіч.
Сяргей Далідовіч — адзіны ў гісторыі лыжнік, які ўдзельнічаў у сямі Алімпіядах і ў 12 запар чэмпіянатах свету. Ён скончыў карʼеру ў 2018 годзе, працаваў трэнерам, а ў 2020 годзе выступіў супраць дзяржаўнага гвалту. Помсцілі яму ў тым ліку і праз дачку. У 2021-м Дарʼю беларуская федэрацыя лыжных гонак адхіліла ад удзелу ў спаборніцтвах і зборах, а праз месяц у спартоўкі адклікалі ліцэнзію, без якой яна не можа ўдзельнічаць у спаборніцтвах пад эгідай Міжнароднай федэрацыі лыжнага спорту.
У пачатку 2022-га Сяргей з дачкой з'ехалі ў Польшчу. Тут Дарʼя пачала займацца біятлонам і адразу стала паказваць высокія вынікі.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары