Увечары 21 кастрычніка стала вядома, што на прадпрыемстве «Гродна Азот» спынілі працу двух цэхаў: аміяк-3 і карбамід-3. На прадпрыемстве паведамілі, што прымаюцца меры па аднаўленні вытворчасці, а таксама адсочваецца якасць паветра.
Прыпыненне цэха аміяк-3 тлумачаць тэхналагічнымі прычынамі, а цэха карбамід-3 — аптымізацыяй балансу вытворчага працэсу.
«Пры правядзенні прыпыначных і пускавых аперацый у цэху аміяк-3 з мэтай утылізацыі гаручых рэчываў, якія ўваходзяць у склад тэхналагічнага газу, рэгламентам прадугледжана яго спальванне на факельнай устаноўцы», — гаворыцца ў паведамленні.
Пры гэтым, як сцвярджаецца, праводзіцца кантроль якасці атмасфернага паветра на тэрыторыі і па перыметры прадпрыемства, а таксама на мяжы санітарна-ахоўнай зоне (СЗЗ) з улікам напрамку ветру. Пагрозы гораду, экалогіі, жыхарам і работнікам прадпрыемства нібыта няма.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам12
Каментары