Baza: Расійскіх мужчын, якія падлягаюць мабілізацыі, цяпер не выпускаюць з Беларусі
Па словах аднаго з супрацоўнікаў Мінскага аэрапорта, абмежаванні пачалі дзейнічаць з 20 кастрычніка, а да гэтага нібыта ўсіх мужчын выпускалі без праблем. Паводле інфармацыі выдання Baza, толькі за сёння з рэйсаў з Мінска знялі 11 расіян.
Па звестках Baza, 23-гадовы Глеб з Санкт-Пецярбурга спрабаваў пакінуць Расію ўжо трэці раз. Спачатку яго не пусцілі праз мяжу ў аэрапорце Дамадзедава, калі ён спрабаваў паляцець у Дубай. Затым знялі з аўтобуса, які ехаў у Беларусь — памежнікі сказалі Глебу, што ён знаходзіцца ў спісах і не можа пакінуць краіну.
Сёння хлопцу ўдалося пакінуць Расію — праз абхадныя сцежкі ён нарэшце трапіў на тэрыторыю Беларусі і дабраўся да Мінска, адкуль у яго быў запланаваны рэйс у Турцыю. Аднак у самалёт яго не пусцілі: супрацоўнік памежнай службы спаслаўся на пункт 4 артыкула 6 пагаднення паміж Беларуссю і Расіяй аб забеспячэнні правоў грамадзян на свабоду перамяшчэння і забараніў яму выезд.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары33
Каментары