Англійская паліцыя ўзяла на службу сабаку-сышчыка, нацяганага на пах спермы
Паліцыя графства Чэшыр узяла сабе на службу сабаку-сышчыка, нацяганага на пах спермы. Лабрадор па мянушцы Эйпрыл дапаможа расследаваць згвалтаванні і іншыя злачынствы на сэксуальнай глебе, піша Бі-бі-сі.
Сабака можа вынюхаць 0,016 мілілітра семянной вадкасці, нават калі яна засталася на месцы злачынства некалькі гадоў таму.
Навучанне Эйпрыл доўжылася шэсць тыдняў. Лабрадор стаў трэцім сабакам у Англіі, спецыяльна нацяганым на пах спермы. Сабака ўжо прыступіў да сваёй першай справы — яго выклікалі на месца чарговага злачынства праз 36 гадзін пасля найму.
«Сабакі могуць наводзіць на сляды спермы ў месцах, недаступных для традыцыйных прылад. Як толькі яны ідэнтыфікуюць пах, пэўны кавалак матэрыялу або расліны адпраўляецца ў лабараторыю. Там з яго здабываюць ДНК, што дапамагае знайсці злачынцу», — расказаў кінолаг Дзін Ален.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары