Кіеўскія ўлады перайменавалі больш за 40 вуліц, завулкаў і плошчаў, назвы якіх звязаныя з Расіяй і савецкім мінулым. Адпаведныя рашэнні прыняла Кіеўская рада падчас пасяджэння 27 кастрычніка, паведаміў мэр сталіцы Віталь Клічко.
Новыя назвы для вуліц, завулкаў, бульвараў, праспектаў і плошчаў сталіцы выбіралі кіяўляне ў дадатку «Кіеў лічбавы».
Сярод іншых ва ўкраінскай сталіцы з'явіліся вуліцы ў гонар нядаўна загінулых абаронцаў Украіны: вайскоўца Дзяніса Анціпава, фотакарэспандэнта Макса Левіна, акцёра Паўла Лі, генерала Сяргея Кульчыцкага.
Акрамя ўкраінскіх дзеячаў, ушанаваныя і некаторыя замежныя.
Сярод апошніх — наш герой Кастусь Каліноўскі, у гонар якога перайменаваная вуліца Астраханская. Гэтая вуліца знаходзіцца ў Дняпроўскім раёне, у мясцовасці Старая Дарніца.
На рэйтынгавае электроннае галасаванне ў дадатку «Кіеў лічбавы» было вынесена 296 аб'ектаў, якія адбірала экспертная камісія. Назвы, што атрымалі найбольшую падтрымку кіяўлян, былі перададзеныя ў сесійную залу Кіеўскай рады на галасаванне.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары