Напэўна, у кожнага мінчука Камароўка асацыіруецца з чымсьці сваім: кагосьці вабяць прылаўкі з сезоннай садавінай, а хтосьці спяшаецца сюды па свежую выпечку і «найлепшую шаўрму». У любую пару года вы знойдзеце тут тавары, якіх няма ў звычайных гіпермаркетах, пачынаючы ад хатніх закатак і заканчваючы экзатычнай садавінай. Onliner.by зазірнуў на прылаўкі з прадуктамі з Усходу і даведаўся, што з усяго гэтага даспадобы беларусам.
![](http://nashaniva.com/img/w732d4webp1/photos/z_2022_11/03cbae197016bb05b0a11bf50bf32704-g6gkm.jpeg.webp)
![](http://nashaniva.com/img/w732d4webp1/photos/z_2022_11/0273c04a04f25e4e2b8076296072c9f5-9s7js.jpeg.webp)
Гэта доўгазернавы рыс гатунку басмаці, той, што белы, — не праходзіў тэрмічную апрацоўку, і плоў, па словах прадаўца, нам, беларусам, зрабіць вельмі цяжка. Але выйсце ёсць — прапараны рыс з Індыі за 12 рублёў. З яго плоў атрымаецца ў кожнага. Плюсам будзе адсутнасць паху.
Буры рыс — самы карысны, і яго тут у асноўным бяруць прыхільнікі здаровага ладу жыцця і тыя, хто сочыць за фігурай.
![](http://nashaniva.com/img/w732d4webp1/photos/z_2022_11/66d49da76c8dfe78ca125e1821239f54-a7grd.jpeg.webp)
«Той рыс, што вы купляеце ў краме за некалькі рублёў, пасля варэння ператвараецца ў кашу. Тут жа мінімум крухмалу, пасля гатавання ён будзе сопкі», — распавядае прадавец.
Па суседстве з рысам размяшчаюцца аліўкі і масліны. Імі сёння мала каго здзівіш, ды і есці іх пачынаюць пасля пэўнага моманту жыцця, але вось паста з маслін, якую можна намазаць на хлеб, выглядае як нешта новенькае.
![](http://nashaniva.com/img/w732d4webp1/photos/z_2022_11/9b49398c02bc28339d11b8e920ca4351-g1hw3.jpeg.webp)
Шафран, як бы банальна гэта ні гучала, кароль усіх спецый, грам якога каштуе значна даражэй за золата. Цана абумоўленая ў першую чаргу вельмі затратнай вытворчасцю. Смак шафрана спецыялісты характарызуюць як смак мёду з металічным адценнем, горкі і рэзкі адначасова. Дадаваць гэтую спецыю, па словах прадаўца, можна куды заўгодна.
![](http://nashaniva.com/img/w732d4webp1/photos/z_2022_11/e2363f3d385dd11187f739afe0960f81-585yk.jpeg.webp)
Млухія — гэта папулярная ўсходняя страва на аснове лісця джуту. Яе яшчэ называюць «егіпецкім шпінатам» за высокае ўтрыманне вітамінаў і мінеральных рэчываў. Характэрная рыса гэтай расліны — слізь у лісці. У стравы няма ярка выяўленага смаку (хутчэй за ўсё, без смаку), але слізкая структура ў спалучэнні са спецыямі дазваляе гатаваць густыя соусы, супы. Акрамя таго, у ёй шмат карысных рэчываў, мінералаў.
![](http://nashaniva.com/img/w732d4webp1/photos/z_2022_11/a7ab1641feda2e2592982bf44dc0c899-6q2ys.jpeg.webp)
Тут жа можна набыць ружовую і мятную ваду, якія дадаюцца ў кандытарскія вырабы або кактэйлі. Некалькі незвычайных сіропаў, хумус, таматавыя пасты, бабовыя ў слоіках, какосавае малако, алей і цукар.
![](http://nashaniva.com/img/w732d4webp1/photos/z_2022_11/f79ca47eebcf8ce8bce254b431bec06e-c76um.jpeg.webp)
![](http://nashaniva.com/img/w732d4webp1/photos/z_2022_11/4a8c16d2583e685637e25200ebd04ce6-jq44i.jpeg.webp)
![](http://nashaniva.com/img/w732d4webp1/photos/z_2022_11/3e1c2b41a0bd17e86e8f1bd803a189c1-erh38.jpeg.webp)
![](http://nashaniva.com/img/w732d4webp1/photos/z_2022_11/1a2f13118d591f6eb4b79c7f4b59aa36-hg2cn.jpeg.webp)
Харыса надае стравам асаблівую вострую ноту. Выдатна падыходзіць для страў з баранінай, курыцай і рыбай, а таксама ў якасці прыправы для кускуса, супоў і соусаў. Увогуле, чымсьці нагадвае аджыку.
![](http://nashaniva.com/img/w732d4webp1/photos/z_2022_11/1014d3befdd42e8f3ee5e9fd0b121b04-kel5y.jpeg.webp)
Тахіні — распаўсюджаная на Блізкім Усходзе густая паста з молатага кунжутнага насення, яе дадаюць як неабходны кампанент да многіх страў, напрыклад, да фалафеля, хумуса, акрамя таго, яна служыць асновай для многіх соусаў. У чыстым выглядзе мае тлусты і вяжучы смак, які адпавядае натуральнаму кунжуту.
![](http://nashaniva.com/img/w732d4webp1/photos/z_2022_11/5a061614e340912baa129bb57e9127fc-9742b.jpeg.webp)
Яшчэ тут можна знайсці незвычайную гарбату і каву. Напрыклад, кава тут будзе з кардамонам, а гарбата без ліста. Цукар нагадвае ледзяшы, але ў гарачыя напоі яго не дадаюць — ядуць упрыкуску. Аранжавы цукар — з шафранам.
«Ён хутчэй лячэбны, пры прастудзе насаглоткавая частка прабіваецца».
![](http://nashaniva.com/img/w732d4webp1/photos/z_2022_11/d819390aca3c4c8de05a87b627beb1c2-37ha0.jpeg.webp)
![](http://nashaniva.com/img/w732d4webp1/photos/z_2022_11/2d112146209b2aff8857955ad76419d6-aeaeh.jpeg.webp)
«Сыр кіслы, можна нават сказаць, пракіслы. Узбекі з яго вараць супы, а нашы беларусы бяруць як закуску».
![](http://nashaniva.com/img/w732d4webp1/photos/z_2022_11/406d8bef1d41d4d409e2b51a989ed3a4-iv4wx.jpeg.webp)
Нуга з суцэльнымі фісташкамі і пялёсткамі руж — 70 рублёў за кіло. Але наўрад ці гэту слодыч цягаюць пакетамі, хутчэй адзінкава, так, пачаставаць каго. Побач падабенства мюслі, але з вялікай колькасцю арэхаў.
![](http://nashaniva.com/img/w732d4webp1/photos/z_2022_11/bb1bf47e008f1ec16be55daed00e3865-kwefd.jpeg.webp)
![](http://nashaniva.com/img/w732d4webp1/photos/z_2022_11/3c6f6056e4953ceb9d51cc8bd2a65417-54nna.jpeg.webp)
Тут жа можна набыць рахат-лукум, завязаную ў коску дыню і пару-тройку відаў халвы: малочная, кунжутная і сланечнікавая.
![](http://nashaniva.com/img/w732d4webp1/photos/z_2022_11/d87551ce24251c975cb9ef256f68edc7-bo1xr.jpeg.webp)
![](http://nashaniva.com/img/w732d4webp1/photos/z_2022_11/5859b56d0ff60490450103edd57e0667-tk0nx.jpeg.webp)
![](http://nashaniva.com/img/w732d4webp1/photos/z_2022_11/0759dc75fa404a69af9279afa281e4de-9ug2i.jpeg.webp)
Пахлава — усходняя слодыч у выглядзе пірага з начыннем з расцёртых арэхаў і цукру.
![](http://nashaniva.com/img/w732d4webp1/photos/z_2022_11/4f134df31efa59dd451a13c0cfc45c3e-cg4jl.jpeg.webp)
У асартыменце ёсць незвычайныя бабовыя, такія, як нут (яго дадаюць у плоў), зялёная сачавіца, кіноа і амарант.
«Нут — гэта гарох, яго дадаюць у плоў, але я і супы з яго варыла. Адзінае адрозненне, калі ад нашага могуць быць праблемы з жыватом, то ў нута няма ніякіх наступстваў. Кіноа вараць і дадаюць у салаты, з амарантам тая ж гісторыя, але смак у яго спецыфічны, я б сказала — балоцісты».
![](http://nashaniva.com/img/w732d4webp1/photos/z_2022_11/eed1b32190341f4feacca4d7a400d085-a1v1g.jpeg.webp)
А вось ад колькасці фінікаў, сушаных абрыкосаў, ананасаў, разынак і іншай заморскай садавіны вочы разбягаюцца.
![](http://nashaniva.com/img/w732d4webp1/photos/z_2022_11/910b7f053c555835b1cb4f4f94d55b5b-a3wt9.jpeg.webp)
![](http://nashaniva.com/img/w732d4webp1/photos/z_2022_11/c3d3d17ce522d645a6f63033387d83e0-gmui6.jpeg.webp)
![](http://nashaniva.com/img/w732d4webp1/photos/z_2022_11/9b1c59ab4e5dee958cad180e7ae065c1-jenr2.jpeg.webp)
![](http://nashaniva.com/img/w732d4webp1/photos/z_2022_11/7cbc0962c45849c557400fe4ed83cf78-3p7r5.jpeg.webp)
![](http://nashaniva.com/img/w732d4webp1/photos/z_2022_11/aa541be7d2cb81391952571624fe5cea-uux9f.jpeg.webp)
Самым дарагім таварам аказаўся кардамон — 180 рублёў за кіло. Пах настолькі канцэнтраваны, што выкарыстоўваюць яго ў малых колькасцях.
![](http://nashaniva.com/img/w732d4webp1/photos/z_2022_11/216f108a2e8679bf0117a378b1215122-bh3im.jpeg.webp)
Увогуле, смакавыя межы пашырыць тут адназначна можна, а калі пашанцуе, то і на кеш'ю памерам з мезенец паглядзіце.
![](http://nashaniva.com/img/w732d4webp1/photos/z_2022_11/f60f194e07419c21d4e5d51ea929b140-89a08.jpeg.webp)
![](http://nashaniva.com/img/w732d4webp1/photos/z_2022_11/e88d178f6c48c3b2274fc110546dceb5-m9vjb.jpeg.webp)
![](http://nashaniva.com/img/w732d4webp1/photos/z_2022_11/afa8eaea735c21d166129b39193f7944-rdkj4.jpeg.webp)
Каментары
Пустите яго дахаты… на вакзале амон пачастуе шафранам) рахат лукум абяспечаны