Клішэвіч і Баскаў з'ездзілі разам з расійскімі дэпутатамі ў непрызнаную Беларуссю Абхазію
Візіт сумеснай дэлегацыі расійскіх і беларускіх дэпутатаў у непрызнаную Беларуссю Абхазію быў аформлены ад імя так званага Парламенцкага сходу Саюзнай дзяржавы. Дэлегацыя была прынятая на найвышэйшым для непрызнанай рэспублікі ўзроўні, з ёй сустрэўся сам кіраўнік Абхазіі Аслан Бжанія, паведамляе Апсны-прэс. А сярод беларускіх удзельнікаў былі такія адыёзныя асобы, як дэпутат ПП НС Сяргей Клішэвіч і «сенатар» Дзмітрый Баскаў.
Аслан Бжанія яўна хацеў зрабіць беларускім гасцям прыемнае і расказаў ім гісторыю з дзяцінства, у рэальнасці якой, вядома, можна сумнявацца:
«У маім родным сяле быў піянерскі лагер, дзе адпачывалі дзеці з Беларусі. Мяне ў маленькім узросце адправілі ў гэты лагер, каб я вывучыў рускую мову. У выніку, калі я вярнуўся, высветлілася, што я вывучыў не рускую, а беларускую мову», — адзначае Аслан Бжанія.
У любым выпадку, улічваючы стаўленне да беларускай мовы з боку лукашэнкаўскага рэжыму, камплімент даволі двухсэнсоўны, і наўрад ці Клішэвіч з Баскавым яго ацанілі.
Чаму ўвогуле прыязджалі ў Абхазію беларускія госці — у інфармацыйнай нататцы не ўдакладняецца. Але падобна на тое, што гэта працяг трэнду, зададзенага нечаканым візітам у абхазскую Піцунду 28 верасня самога Лукашэнкі пасля перамоваў з Пуціным у Сочы.
Пры гэтым ні беларуская БелТА, ні расійскія дзяржаўныя інфармацыйныя агенцтвы ТАСС і «РИА Новости» пра гэтую паездку чамусьці не паведамлялі.
Чытайце таксама:
«Мы павінны ўмацоўваць адносіны з сябрамі». Лукашэнка насамрэч у самаабвешчанай рэспубліцы Абхазія
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома8
Каментары