Кіно22

«Перыферыйныя прылады» (The Peripheral) — фантастычны серыял ад стваральнікаў «Свету Дзікага Захаду»

Сёння прадстаўляем вам экранізацыю рамана Уільяма Гібсана, заснавальніка стылю кіберпанк. Гэты серыял прынясе вам вялікае задавальненне, нават калі вы перастанеце разумець, што ж там адбываецца.

Фота: Amazon Studios

Навуковая фантастыка можа заблытаць шмат каго, але серыял, пра які сёння раскажам, пачынаецца даволі зразумела. І гэта нягледзячы на тое, што яго стваральнікі — Ліза Джой і Джонатан Нолан, аўтары іншага тэлевізійнага шэдэўра «Свет Дзікага Захаду», піша Guardian.

Асноўная частка сюжэта пачынаецца ў 2032 годзе ў амерыканскіх горах Блакітнага хрыбта, дзе Флін і яе брат Бёртан даглядаюць хворую маці. Флін працуе ў цэху 3D-друку. Іх свет падобны да нашага, але крыху зменены: напрыклад, Міністэрства ўнутранай бяспекі ставіцца з падазрэннем да любога зняцця наяўных у банкамаце.

Бёртан — прафесіянальны гулец у гульні ў віртуальнай рэальнасці. Менш умелыя геймеры могуць наняць яго, каб ён праходзіў гульні замест іх, і часам яго падмяняе Флін. Яна гуляе лепш за брата, але яе не так ахвотна наймаюць, як мужчыну (некаторыя рэчы ніколі не мяняюцца), і Флін увогуле аддае перавагу жыццю ў рэальным свеце.

Раптам з’яўляецца магчымасць зарабіць вялікія грошы, і для гэтага трэба ўсяго толькі пратэсціраваць новую і звышдасканалую гульню. Флін бярэцца за такі шанс і неўзабаве атрымлівае асалоду ад захапляльнай прыгоды ў стылі Джэймса Бонда, але хутка прыгода пачынае яе пужаць. Тое, што пачалося як катанне на матацыкле па футурыстычным Лондане і флірт з прыгожымі жанчынамі, ператвараецца ў свет, дзе выдаляюць вока без анэстэзіі і змагаюцца гукавай зброяй, і гэты свет пачынае здавацца занадта рэальным.

Усё сапраўды рэальна, і футурыстычная сталіца — насамрэч Лондан у 2099 годзе. Там жыве чалавек, якога клічуць Уілф Нетэртан. Яго наведвае дзяўчына, якая выратавала яму жыццё ў мінулым, і цяпер яна прыйшла развітацца з Уілфам перад тым, як адправіцца ратаваць свет — не наш, яшчэ адзін.

Словамі «перыферыйныя прылады» называюць целы кібаргаў, да якіх карыстальнікі сімулятараў могуць падключацца з розных месцаў і нават розных часоў. Менавіта тут мы павінны вас пакінуць сам-насам з гэтай гісторыяй, каб даць магчымасць вырашыць, падабаецца яна вам ці не.

Гэта віртуозная экранізацыя Гібсана, якая захоўвае і інтрыгу, ўнутраную логіку твора, якой бы складанай яна ні была. Тыя, хто здолее зразумець «Перыферыйныя налады» на больш глыбокім узроўні, дакладна будуць вельмі задаволеныя гэтым серыялам. Астатнія ж могуць проста нацешыцца развіццём сюжэта.

Рэйтынгі на вялікіх сусветных рэсурсах:

IMDB — 8,2/10

Rotten Tomatoes — 74% (крытыкі), 88% (гледачы)

Чытайце таксама:

Самы недаацэнены серыял года. Чаму варта паглядзець «Раздзяленне», калі вы яго прапусцілі

Што паглядзець. «Аляска Дэйлі» (Alaska Daily) — таямнічая гісторыя з лаўрэаткай «Оскара»

Пра скандынаўскія фільмы, полацкія сыркі, дом і паслядоўнасць. Гутарка з дырэктаркай найбуйнейшага беларускага незалежнага кінафестывалю

Каментары2

  • 300 чухланцев
    13.11.2022
    Первые четыре серии - завлекают. Надежда, что будет что то уровня Видоизмененного углерода, который снят по тому же автору. Но потом...тупость. Всё убивает тупость и главная героиня Мери Сью. Диалоги - мое почтение... делать так уныло, это надо талант иметь.
    Посмотреть ради интереса стоит, в целом - сериал можно пропускать, ничего не потеряете. а жаль(. Идея сериала всплакнула и ушла из сериала...
  • Слаўгарадская раённая бібліятэка
    17.11.2022
    300 чухланцев,

    Altered carbon - гэта не Гібсан, а Рычард Морган

Цяпер чытаюць

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Усе навіны →
Усе навіны

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

Зніклага расійскага Z-ваенкара Раманава маглі абвінаваціць у дзяржздрадзе5

больш чытаных навін
больш лайканых навін

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць