Пакой Тэслы і мэбля Гулівера. У Мінску адкрылі гіганцкі музей займальнай навукі ФОТЫ
У Мінску адкрылі музей «Квантум 2.0». Ён стаў адным з самых буйных у краіне навукова-папулярных музеяў. Знаходзіцца музей на цокальным паверсе ЗАГСа Маскоўскага раёна побач з ГРЦ «Тытан». Там сабраныя экспанаты, якія распавядаюць аб навуцы, тэхналогіях, а таксама будове чалавека. Што там можна паглядзець і колькі каштуе, разбіраўся Realt.by.
«Квантум 2.0» знаходзіцца на ніжнім ярусе ЗАГСа на праспекце Газеты Праўда, 29. У музеі некалькі тэматычных зон, дзе стаяць каля 200 экспанатаў. Да «Квантум 2.0» далучылася і калекцыя музея чалавека, што зачыніўся ў цэнтры Мінска. Такім чынам, тут размясціліся некалькі тэматычных зон: оптыка, акустыка, магнітызм, біялогія, энергія і інш. Галоўнае — з усімі прадметамі можна ўзаемадзейнічаць.
Прадстаўнікі музея адзначаюць, што фокус зроблены на гульнявой форме і інтэрактыўнасці.
Наведвальнікі музея змогуць знайсці ўладкаваны пакой Тэслы з маланкамі, а таксама цёмны пакой са шпіёнскім люстэркам. Даступная дзецям і мэбля Гулівера. Акрамя гэтага, гасцей чакаюць выпрабаванні: трэба будзе выбрацца з люстранога лабірынта, пабудаваць мост з гаек без фізічнай сілы, выканаць ролю рок-музыканта ці паўдзельнічаць у раскопках дыназаўраў. Аматараў біялогіі таксама чакаюць задачы, якія дапамогуць зразумець, як збудаваны арганізм, працуе мозг і б'ецца сэрца.
У музеі паказваюць навуковыя шоу і майстар-класы. Для вялікіх груп праводзяць тэматычныя экскурсіі.
Сілавікі пахваліліся, што ўзламалі тэлеграм-акаўнт Кабанчука, і апублікавалі доказы8
Каментары