Сумеснае фота Раналду і Месі за шахматнай дошкай стала гістарычным: які ў ім схаваны сэнс і што гэта за партыя
Галоўнае футбольнае фота стагоддзя. Пачаўся ЧС-2022 у Катары, але размовы толькі і вядуцца пра сумеснае фота форварда «Манчэстэр Юнайтэд» Крыштыяну Раналду і нападаючага «ПСЖ» Ліянэля Месі, піша Tribuna.com.
Гэта рэкламны здымак дома моды Louis Vuitton. На фота футбалісты гуляюць у шахматы.
Праўда, фатаграфіі былі зроблены ў розны час, а потым футбалістаў аб'ядналі на адным кадры з дапамогай мантажу.
Прыз найлепшаму маркетолагу свету павінен паехаць у офіс LV: за вельмі кароткі час кадр пачаў прэтэндаваць на статус аднаго з найважнейшых фота ў гісторыі спорту. Ён атрымаў мільёны лайкаў і ўжо стаў адным з рэкордных у Instagram: трэцяе месца ў гісторыі сацсеткі са старонкі Роналду і дзявятае — са старонкі Месі.
І гэта яшчэ, відавочна, не канец.
Карыстальнікі твітара пакапаліся ў гісторыі і знайшлі схаваны сэнс гэтай фатаграфіі
Чамадан LV са здымка быў часткай чэмпіянату свету па футболе 2018 года, у ім захоўваўся і быў прадстаўлены трафей падчас адкрыцця і фіналу. Менавіта гэты чамадан знаходзіцца проста пад дошкай.
Усе разумеюць, які фінал будзе сапраўдным упрыгожаннем турніру ў Катары.
На дошцы — рэальная шахматная партыя паміж Карлсэнам і Накамурай.
Адзін з карыстальнікаў фэйсбука напісаў наступнае:
«Яўная перавага ў белых Раналду. Ён павінен гэтую партыю выйграць у Месі (+1 вялікая фігура і 1 пешка), і пешачная структура лепшая ў белых. Месі, здавайся!» — заўважыў Яўген.
Усё аказалася яшчэ больш цікавым. Вядомы шахматыст і трэнер Магнуса Карлсэна Петэр Хейнэ Нільсэн адзначыў, што на дошцы знаходзіцца партыя, якая была згуляная паміж Магнусам Карлсэнам і Хікару Накамурай у 2017 годзе і скончылася ўнічыю.
Гэткая метафара пра тое, што гэтыя двое знаходзяцца ў пастаяннай барацьбе і ніколі не змогуць вызначыць, хто больш моцны.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
вуха адкусіў, я яны пераўтварылі гэта ў брэнд. пэўна марыхуана зрабіла іх добрымі)