Заснавальнік кампаніі Alibaba, мільярдэр Джэк Ма пакінуў Кітай і ўжо амаль паўгода жыве ў Токіа. Пра гэта паведаміла газета Financial Times са спасылкай на словы крыніц, знаёмых з месцазнаходжаннем некалі самага багатага бізнэсмена Кітая.
Газета падкрэсліла, што Джэк Ма з'ехаў з Кітая «на фоне ціску Пекіна на тэхналагічны сектар краіны і яе самых уплывовых бізнэсоўцаў». Са слоў крыніц, Ма з'ехаў у Японію разам з сям'ёй, асабістым кухарам і аховай.
Financial Times піша, што бізнэсмен трымаецца ў цені, наведвае прыватныя клубы ў Токіа, «стаў гарачым калекцыянерам» і пачаў маляваць акварэллю, «каб прабавіць час». Па звестках газеты, Ма наведвае гарачыя крыніцы і гарналыжныя курорты ў межах Токіа, а таксама рэгулярна ездзіць у ЗША і Ізраіль.
Джэк Ма практычна перастаў з'яўляцца на публіцы пасля таго, як у кастрычніку 2020 года, выступаючы на канферэнцыі ў Шанхаі, раскрытыкаваў кітайскіх рэгулятараў і абвінаваціў дзяржаўныя банкі ў «менталітэце ламбарда». Пасля гэтага кітайскія фінансавыя рэгулятары выклікалі Ма на размову.
Праз месяц бізнэсмен у апошні момант адклаў выхад на біржу сваёй фінтэх-кампаніі Ant Group. А ў 2021 годзе ўлады Кітая аштрафавалі Alibaba на рэкордныя для краіны 2,8 мільярда даляраў за парушэнні антыманапольнага заканадаўства.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах13
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары