Канцлер Нямеччыны даў свой прагноз у дачыненні да вайны ва Украіне.
«Раcія — я ў гэтым перакананы — не пераможа ў гэтай вайне. Бязлітасныя атакі на жыццёва важную інфраструктуру, на водаправоды і энергетычныя аб'екты, на ўкраінскія гарады і вёскі — гэта жудасная і ў той жа час адчайная стратэгія выпаленай зямлі», — заявіў Олаф Шольц.
Такую заяву для звычайна стрыманага ў сваіх ацэнках канцлера можна лічыць прэцэдэнтам, бо да гэтага ён толькі асцярожна казаў пра тое, што Расія «не павінна» перамагчы.
Палітолагі лічаць, што вясной Шольц недаацаніў сітуацыю, выказаўшы здагадку, што канфлікт паміж Расіяй і Украінай не будзе зацяжным. Верагодна, менавіта таму Германія не спяшалася з ваеннай дапамогай.
Раней на гэтым тыдні Шольц прыгразіў, што зробленае не сыдзе з рук. Паводле яго слоў, ніводны агрэсар не павінен сумнявацца ў тым, што Германія поўная рашучасці абараняць кожнага саюзніка і кожны сантыметр тэрыторыі альянсу «ўсімі наяўнымі сродкамі».
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары