Пакаштуйце гэтыя незвычайныя аладкі.
Фота: BBC Food
Каб згатаваць аладкі з бананам і беконам, вам спатрэбіцца:
- 55 грамаў масла, пасечанага кубікамі
- 275 грамаў мукі
- 1 чайная лыжка разрыхляльніку
- 2 яйкі
- 2 сталовыя лыжкі карычневага цукру (пры яго адсутнасці бярыце белы цукар)
- 300 мілілітраў малака
- 1 вялікі банан, парэзаны на вялікія кавалкі
- 1—2 сталовыя лыжкі сланечнікавага алею
- 8 палосак бекону без шкуркі
- трохі вадкага мёду для падачы
- Разагрэйце духоўку да 110 градусаў.
- Растапіце 25 грамаў масла ў маленькай патэльні на малым агні і пакіньце масла астуджацца на 5 хвілін.
- Пакладзіце растопленае масла, муку, разрыхляльнік, яйкі, цукар і малако разам у кухонны камбайн і змяшайце іх да атрымання аднароднай масы (можна і проста ўзбіць усё разам венчыкам). Пераліце сумесь у вялікую міску і разамніце туды ж банан з дапамогай відэльца. Перамяшайце.
- Пастаўце на сярэдні агонь вялікую патэльню з антыпрыгарным пакрыццём і растапіце ў ёй трохі алею разам з кубікам масла. Пратрыце дно патэльні тоўстым кавалкам кухоннай паперы.
- Выкладзіце на патэльню 4 вялікія лыжкі бананавага цеста для аладак на дастатковай адлегласці адна ад адной. Смажце аладкі 3 хвіліны ці пакуль яны не паднімуцца, у цесце не з’явяцца бурбалкі і паверхня аладак не стане сухой. Перагарніце аладкі лапаткай і смажце іх на іншым баку яшчэ 2-3 хвіліны ці да залацістага колеру.
- Перакладзіце аладкі на гарачатрывалую талерку і трымайце іх у разагрэтай духоўцы, пакуль гатуеце астатнія аладкі.
- Калі аладкі ўжо гатовыя, вярніце патэльню на агонь (у ёй павінна заставацца масла) і пакладзіце туды бекон. Смажце яго каля 3 хвілін на адным баку да залацістага колеру і хрусткай корачкі, потым перавярніце і смажце столькі ж часу. Калі бекон пачне прыліпаць, дадайце яшчэ алею.
- Выкладзіце аладкі на падагрэтыя талеркі і пакладзіце на іх смажаны бекон. Трохі апырскайце іх зверху мёдам і падавайце.
Чытайце таксама:
Рэцэпт на выхадныя. Сырныя палачкі — для вечарыны ці пад футбол
Як трэба захоўваць прадукты, каб яны даўжэй не псаваліся
Рэцэпт на выхадныя. Суп-пюрэ з батату — лёгкая ў гатаванні экзотыка
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары