Свет

Кампанію Дональда Трампа прызналі вінаватай у махлярстве з падаткамі

Суд у Нью-Ёрку прызнаў кампанію Trump Organization, якая належыць сям'і былога прэзідэнта ЗША Дональда Трампа, вінаватай у махлярстве з падаткамі. Падчас працэсу ні Трамп, ні яго сваякі не былі абвінавачанымі, аднак гэтая фірма кіруе іх нерухомасцю, у тым ліку гасцініцамі, гольф-клубамі і іншымі аб'ектамі па ўсім свеце, піша «Бі-бі-сі».

Пасля двухдзённых разважанняў прысяжныя заявілі, што Trump Organization вінаватая ва ўсіх 17 абвінавачваннях, якія прад'явілі ёй пракуроры. Суд устанавіў, што супрацоўнікі кампаніі Трампа на працягу больш за 10 гадоў не дэкларавалі некаторыя даходы, у выніку чаго недаплацілі значную колькасць падаткаў.

Галоўным абвінавачаным па справе стаў былы фінансавы дырэктар Trump Organization Алан Вайсельберг, які прызнаў сябе вінаватым і даў паказанні супраць фірмы.

75-гадовы Вайсельберг пайшоў на ўгоду са следствам, па ўмовах якой ён правядзе ў турме не больш за 5 месяцаў. Ён таксама павінен вярнуць больш за 1,7 млн даляраў незадэклараваных даходаў.

У прысудзе, у прыватнасці, сказана, што Вайсельберг атрымліваў ад кампаніі незадэклараваныя дарагія аўтамабілі, мэблю і грошы для адпачынку. Фірма таксама вучыла яго ўнука ў прыватнай школе.

«На працягу 13 гадоў Trump Corporation і Trump Payroll Corporation [фірма, якая адказвала за выплату зарплаты ў Trump Corporation] беспакарана рэалізоўвалі схему, дзякуючы якой высокапастаўленыя менеджары атрымлівалі шчодрыя дадатковыя льготы і выплаты, наўмысна хаваліся ад падатковых органаў», — сказаў пракурор Манхэтэна Элвін Браг.

Прысуд па справе вынесуць 13 студзеня, аднак чакаецца, што кампанія Трампа будзе аштрафаваная на 1,6 млн даляраў, Трамп кажа пра «паляванне на ведзьмаў».

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Валерый Цапкала расказаў, чым цяпер займаецца5

Валерый Цапкала расказаў, чым цяпер займаецца

Усе навіны →
Усе навіны

Уначы на пажары ў лесе ў Воранаўскім раёне маліліся ксёндз, вяскоўцы і блогер9

Гарадскія ўлады патлумачылі, чаму прыбралі «разумны» прыпынак на Нямізе1

Іканапісец і мастачка Ксіша Ангелава мае патрэбу ў дапамозе3

Былы палітзняволены Юрась Зянковіч накіроўваецца дадому ў Тэхас5

Рада дырэктараў Tesla пачала шукаць замену Ілану Маску3

У Крымінальны кодэкс дададуць новы артыкул — пра беспілотнікі3

Менавіта Макрон і Стармер пераканалі Трампа змяніць думку адносна Пуціна4

Самая модная беларуская апазіцыянерка Марына Гірын пайшла ў крыжовы паход супраць Еўрарадыё30

На абед падала атрутныя грыбы. Жанчыну ў Аўстраліі судзяць за забойства траіх сваякоў

больш чытаных навін
больш лайканых навін

Валерый Цапкала расказаў, чым цяпер займаецца5

Валерый Цапкала расказаў, чым цяпер займаецца

Галоўнае
Усе навіны →

Заўвага:

 

 

 

 

Закрыць Паведаміць