На нарадзе 12 снежня Лукашэнка заявіў, што «Макдональдс» цяпер «наша прадпрыемства». Вось што здарылася з рэстаранам хуткага харчавання.
Па франшызе, выдадзенай рэстаранам, у нас працавала кампанія «КСБ Віктары Рэстараны». Уласнік — Кайрат Баранбаеў, казах са сваяцкімі сувязямі з Назарбаевым, які цяпер у Казахстане апынуўся пад следствам.
Як паведамляюць крыніцы «Нашай Нівы», цяпер прыглядаць за кампаніяй паставілі блізкага да Лукашэнкі бізнэсмена Аляксея Алексіна.
«Цяпер думаюць, што там рабіць далей», — кажуць знаёмыя з сітуацыяй.
Наверсе была ўстаноўка: рускіх на рынак не пускаць.
На нарадзе 12 снежня Аляксандр Лукашэнка заявіў, што «Макдональдс» цяпер «наша прадпрыемства».
«Прадпрыемствы, якія былі заснаваныя замежным інвестарам або прыватызаваныя, і замежны інвестар атрымаў гэтыя прадпрыемствы, а сёння (гэта ў асноўным з недружалюбных краін і іншых) сышлі — памахайце ім рукой, перахрысціцеся, што яны пакінулі вам ўласнасць. Усё ж ёсць. Ігар Пятровіч [Сергеенка], я ж вам на прыкладзе «Макдональдса» гэта казаў.
Працаваў і працуе. І людзі прыходзяць. І прадукцыю вырабляюць нармальную. Але гэта ўжо наша прадпрыемства.
Не захацелі працаваць — ну як хочаце. Нашы людзі не дурнейшыя, каб, як я казаў, гэтую булачку разрэзаць і ўпіхнуць туды лісце салаты або кавалак каўбасы. Дакладна так і тут. Усё ж засталося. Яны ж з сабой нічога не забралі. Але калі б забралі, то я б паздымаў галовы з адказных людзей. Ніхто нічога не павінен забраць. Вы не павінны гэтага дапусціць».
56-гадовы Аляксей Алексін — гэта асабліва набліжаны да Аляксандра Лукашэнкі мультымільянер, якому даверана займацца аперацыямі з нафтай і нафтапрадуктамі, а таксама тытунём.
Яго кампаніі «Энерга-оіл» і «Інтэр-Табака» працуюць у сферах эканомікі, куды ў Беларусі пускаюць толькі самых надзейных. Манапольная сетка па продажы цыгарэт «Табакерка», якая спрутам раскінулася па ўсёй краіне, належыць таксама «Энерга-оілу» Алексіна. Алексін атрымаў эксклюзіўнае права прадаваць прадукцыю дзяржаўнай Гродзенскай тытунёвай фабрыкі. Па дзіўным супадзенні кантрабандная прадукцыя менавіта гэтай фабрыкі заліла краіны Еўрасаюза неўзабаве пасля мадэрнізацыі. Літоўцы лавілі кантрабанду нават у вагонах з каліем.
Чытайце таксама: Алексін душыць Тапузідзіса. І блізкі да поспеху
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары
прэдпрыяціе ім асталася... угу