Эканоміка33

Як падаражэлі за год аліўе і селядзец пад шубай

Год таму мы высветлілі, што інгрэдыенты любімых салатаў даражэлі хутчэй за афіцыйную інфляцыю. А што сёлета: ці аказаліся замарозкі цэн эфектыўнымі?

Дысклэймер: наш матэрыял не прэтэндуе на сур'ёзнае даследаванне. Белстат, чыёй інфармацыяй мы карысталіся, не дае інфармацыі пра сярэднія цэны на некаторыя прадукты кшталту салёных агуркоў ці кансерваванага гарошку (замест іх узятыя цэны з катэгорыі «кансерваваная гародніна»). Інфармацыя статыстычнага органа абагульненая: не ўлічвае, напрыклад, тлустасць маянэзу, катэгорыю яек і г. д. Таксама не ўлічваліся выдаткі на прыгатаванне — а камунальныя паслугі ў Беларусі не таннеюць.

«Аліўе»

Для разліку цаны салата «Аліўе» мы ўзялі наступны рэцэпт: кансерваваныя агуркі (500 грамаў), гарошак (380 грамаў), бульба (500 грамаў), морква (200 грамаў), курыныя яйкі (4 штукі), вараная каўбаса (300 грамаў), маянэз (200 грамаў), рэпчатая цыбуля (100 грамаў).

«Аліўе» Лістапад 2021 Лістапад 2022 Інфляцыя, %
Кансерваваныя агуркі, 1 кг (порцыя) 6,79 (3,40) 8,15 (4,08) 20,03
Гарошак, 1 кг (порцыя) 6,79 (2,58) 8,15 (3,10) 20,03
Бульба, 1 кг (порцыя) 1,3 (0,65) 0,91 (0,46) -30
Морква, 1 кг (порцыя) 1,25 (0,25) 0,92 (0,18) -26,40
Яйкі, дзясятак (порцыя) 2,63 (1,05) 2,99 (1,20) 13,69
Вараная каўбаса в/г, 1 кг (порцыя) 8,11 (2,43) 9,15 (2,75) 12,82
Маянэз, 1 кг (порцыя) 7,82 (1,56) 9,35 (1,87) 19,57
Рэпчатая цыбуля, 1 кг (порцыя) 1,33 (0,13) 1,3 (0,13) -2,26
Сума за порцыю 12,06 13,77 14,18

Пасля істотнага росту ў мінулым годзе сёлета гародніна патаннела. Астатнія тавары ж звыкла даражэлі, што дало выніковы рост цаны порцыі «Аліўе» на 14 працэнтаў.

Гэта адпавядае гадавой інфляцыі па падліках Нацбанка.

Нагадаем, што летась гэты салат падаражэў на 20%.

«Селядзец пад шубай»

Для ацэнкі кошту «Селядца пад шубай» узялі такі рэцэпт: салёны селядзец (350 грамаў), бульба (400 грамаў), буракі (350 грамаў), морква (200 грамаў), курыныя яйкі (2 штукі), рэпчатая цыбуля (100 грамаў), маянэз (300 грамаў).

«Селядзец пад шубай» Лістапад 2021 Лістапад 2022 Інфляцыя, %
Салёны селядзец, 1 кг (порцыя) 7,45 (2,61) 8,29 (2,90) 11,28
Бульба, 1 кг (порцыя) 1,3 (0,52) 0,91 (0,36) -30
Буракі, 1 кг (порцыя) 1,27 (0,44) 0,85 (0,30) -33,07
Морква, 1 кг (порцыя) 1,25 (0,25) 0,92 (0,18) -26,40
Яйкі, дзясятак (порцыя) 2,63 (0,53) 2,99 (0,60) 13,69
Рэпчатая цыбуля, 1 кг (порцыя) 1,33 (0,13) 1,3 (0,13) -2,26
Маянэз, 1 кг (порцыя) 7,82 (2,35) 9,35 (2,81) 19,57
Сума за порцыю 6,82 7,28 6,74

Летась «Селядзец пад шубай» падаражэў яшчэ больш за «Аліўе» (ажно на 36,4%) за кошт шалёнай інфляцыі на гародніну — буракі, напрыклад, за мінулы год выраслі ў цане амаль удвая.

Сёлета аматары гэтага салата павінны быць задаволеныя — порцыя прыбавіла ўсяго 46 капеек, ці крыху менш за 7 працэнтаў.

Нагадаем, што ў нашых разліках не ўлічаныя выдаткі на прыгатаванне.

Каментары3

  • хх
    17.12.2022
    на гэтым тыдні зайшла ў новы магазін (ён у той дзень толькі адкрыўся) з азнаямляльнымі мэтамі. пабачыла таматы больш чым за 10 р. і астатняе такое ж таксама і...

    ноччу мне снілася ежа...
    гатэль па тыпу "усё ўключано", дзе ўдосталь таматаў, агуркоў, перцаў і інш.
  • Vir
    17.12.2022
    Pryhoža vyhliadajuc` tyja talierački... A ūjavicie, kali b pobač z talieračkami pastavili jasče i "spatnielyja" čarački z absaliutikam(!) u dadatak.... Voj... :) Darečy, koļki kastuje pliasačka Absaliuta ū Bielarusi ? Heta, kab dakladna padličyc` biudžet u ahulie...
  • ЯНКА
    17.12.2022
    АБЕД БЯЗБРАЧЫЯ.
    Я дык гатую аляўе ня надта мудрагелістае. У рондаль лью вады й стаўлю на пліту. Прычым, пажадана пстрыкнуць неабходную канфорку, што, праўда, бывае не заўжды, і ты потым стаіш гэткі задуменны над халоднаю пас(к)удзінай. А калі вада ўсёткі забурбаляе, кідаю ў яе свае, у сэньсе курыныя яйкі. І ўжо даволі хутка няўгледныя рукі ў кіпні вялікодна весела й гучна грукаюць імі адно аб другое! А перад прыгатаваньнем аляўя — увага! — неабходна аблупіць крута звараныя яйкі ад шкарлупіньня. І крыкрыкрышыць іх, трапляючы пераважна ў талерку, а не сабе ў тапкі. Але й гэта не канец яшчэ, бо трэ' абавязкова паліваць крышню маянэзам альбо памідорным совусам. Затым ня надта заўзята гэта ўсё саліць. І перамешваць лыжкаю! Праўда, бывае (калі бывае), рэжу, пускаючы скупую сьлязіну, цыбуліну, а замарачвацца з гарошакам ці кіўбасою, то прабачце, няма ў глуздох дурных! Сыйдзе й гэдак. Пойдзе й так! Бо й так не стае ні на што часу.

Цяпер чытаюць

УСУ зноў атакавалі Крымскі мост — абрынуліся аўтамабільны пралёт і арка

УСУ зноў атакавалі Крымскі мост — абрынуліся аўтамабільны пралёт і арка

Усе навіны →
Усе навіны

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік26

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

больш чытаных навін
больш лайканых навін

УСУ зноў атакавалі Крымскі мост — абрынуліся аўтамабільны пралёт і арка

УСУ зноў атакавалі Крымскі мост — абрынуліся аўтамабільны пралёт і арка

Галоўнае
Усе навіны →

Заўвага:

 

 

 

 

Закрыць Паведаміць