Зборная Аргенціны выйграла чэмпіянат свету па футболе. У фінальным матчы аргенцінцы па пенальці выйгралі ў французаў.
Спачатку гол на 23-й хвіліне забіў з пенальці Ліянель Месі. На Анхелю дзі Марыя сфаліў Усман Дэмбеле. Затым на 37-й хвіліне вызначыўся сам Анхель дзі Марыя. З лікам 2:0 каманды пайшлі на перапынак.
У другім тайме французы цягам дзвюх хвілін лік зраўнялі. Кіліян Мбапэ спачатку на 78-й хвіліне з пенальці, а затым з гульні — 2:2.
На 110-й хвіліне забіў Месі, але праз некалькі хвілін зноў з пенальці забіў Мбапэ — 3:3.
А ў серыі пенальці нервы былі больш моцнымі ў аргенцінцаў. Французы двойчы схібілі — 4:2.
Такім чынам, Аргенціна, што пачала турнір паразай ад Саудаўскай Аравіі, выйграла залатыя медалі мундыялю. Золата ўзяў Ліянель Месі, які забіў на турніры сем галоў, у Мбапэ — восем.
Зборная Аргенціны станавілася таксама чэмпіёнам свету ў 1978 і 1986 гадах.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары