Расія хацела быць часткай цывілізаванага свету, але гэтыя спробы пацярпелі няўдачу, заявіў прэзідэнт Расіі Уладзімір Пуцін, выступаючы на калегіі расійскага Міністэрства абароны. Па яго словах, вінаватыя ў гэтым «праціўнікі» Расіі, якія, маўляў, «стагоддзямі» ставілі мэту па яе «дэзынтэграцыі» і «аслабленні».
«Мы заўсёды хацелі быць часткай так званага цывілізаванага свету. І пасля развалу Савецкага Саюза, які мы дапусцілі сваімі ўласнымі рукамі, нам чамусьці здавалася, што з дня на дзень мы станем часткай гэтага так званага цывілізаванага свету. А, як высветлілася, нас там не чакалі, нягледзячы на ўсе нашы намаганні і спробы», — канстатаваў Пуцін.
Са слоў Пуціна, намаганнямі ўваходжання ў «цывілізаваны свет» ён займаўся асабіста, але поспеху не дасягнуў. «Я таксама рабіў гэтыя спробы, нашы спробы зблізіцца, стаць гэтай часткай, (але) не», — заявіў прэзідэнт Расіі.
Каментары