Іх хочуць выдаваць у асноўным праз банкі, а магчымасць атрымліваць грошы праз пошту збіраюцца пакінуць толькі для некаторых катэгорый.
Саўмін накіраваў на разгляд у парламент законапраект «Аб змене законаў па пытаннях сацыяльнага абслугоўвання». Адна з прапанаваных зменаў — выплачваць пенсіі праз банкі.
Але для некаторых беларусаў хочуць пакінуць магчымасць атрымліваць пенсіі на выбар праз банкі, пошту ці арганізацыі, якія займаюцца дастаўкай гэтых выплат. Сярод іх — мінчане і жыхары абласных і раённых цэнтраў ва ўзросце ад 70 гадоў і старэйшыя, а таксама тыя, хто старэйшы за 65 гадоў і пражывае ў іншых населеных пунктах. Таксама такую магчымасць хочуць пакінуць за людзьмі з інваліднасцю I і II групы.
Цяпер беларусы могуць на свой выбар атрымліваць пенсіі праз пошту, банкі, а таксама арганізацыі, якія займаюцца дастаўкай гэтых выплат. Такая магчымасць замацаваная ў заканадаўстве аб пенсіённым забеспячэнні.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары