Казахстан узмацніў строгасць правіл уезду і знаходжання ў краіне для іншаземцаў з ЕАЭС. Дакумент, зацверджаны прэмʼер-міністрам краіны Аліханам Смаілавым, апублікаваны на сайце прававых актаў.

Пачынаючы з 27 студзеня, грамадзянам краін Еўразійскага эканамічнага саюза — Расіі, Беларусі, Арменіі і Кыргызстана — будзе дазволена знаходзіцца ў Казахстане не больш за 90 дзён на працягу кожнага перыяду ў 180 дзён. Калі гэты тэрмін будзе перавышаны, замежнік, які выехаў з краіны, патрапіць назад не зможа. Новыя правілы не будуць распаўсюджвацца на тых, хто атрымаў дазвол на часовае жыхарства.
Раней грамадзяне краін Еўразійскага эканамічнага саюза маглі выкарыстоўваць так званы «візаран», перасякаючы мяжу Казахстана раз на тры месяцы. Гэтага было дастаткова, каб абнавіць тэрмін легальнага знаходжання на тэрыторыі дзяржавы.
З пачатку расійскай шырокамаштабнай агрэсіі супраць Украіны Казахстан стаў адным з галоўных напрамкаў для грамадзян, якія пакідаюць Расію. Па інфармацыі МУС Казахстана, толькі пасля абвяшчэння мабілізацыі ў краіну прыбылі 400 тысяч расіян, 150 тысяч з якіх засталіся на тэрыторыі краіны, а дазвол на часовае жыхарства атрымалі толькі 36 тысяч чалавек.
-
Ва Украіне 14‑гадовая школьніца і нарадзіла ад 60‑гадовага мужчыны. Яна кажа, што ён добры бацька і прасіла не караць яго
-
Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным
-
Урсула фон дэр Ляен назвала фармат, у якім будзе ўдзельнічаць Еўропа ў перамовах па Украіне
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары