Гарачая прапанова: аўстралійскі горад з непрыстойным мінулым можа стаць вашым за 8,3 мільёна даляраў
У горадзе Таралеа ёсць раскошнае шале, поле для гольфа і альпійскае возера. А за гады свайго існавання лёс горада змяняўся ад амаль закінутага месца да пункта адпачынку сэкс-турыстаў.
Горад Таралеа (Tarraleah) на Цэнтральным нагор'і Тасманіі мае амаль усё, што трэба для перанасычанага сэрца: ад шыкоўных краявідаў і раскошнага шале ў стылі арт-дэко да поля для гольфа і цудоўнага возера, дзе можна вудзіць стронгу ў зацішку.
Таралеа знаходзіцца на востраве Тасманія ў аднайменным штаце прыкладна за дзве гадзіны язды ад сталіцы штата, горада Хобарт. Гарадок быў збудаваны ў 1930‑х гадах для ІТР і рабочых, якія будавалі каскад гідраэлектрастанцый у горнай мясцовасці.
Напачатку яго існавання ў горадзе было ўсё: электрычнасць, водаправод, каналізацыя, ратуша, кінатэатр, паб, рэстаран, паліцэйскі ўчастак і царква. На піку там пражывала каля 500 чалавек, але да 1990‑х гадоў горад апусцеў.
У 2000‑х гадах мясцовыя прыдумалі ўласную схему заробку грошай. Персанал вялікага турыстычнага шале паспрабаваў увайсці ў вузкую нішу сэкс-рынку, абслугоўваючы наведвальнікаў, якія захапляліся прыніжэннем, звязваннем і іншымі забавамі ў стылі садамаза.
Аднак свята для аматараў бізуна неўзабаве скончылася, калі ў 2006 годзе бізнэсмен і забудоўшчык Джуліян Хомер аднавіў найлепшыя фрагменты архітэктуры горада і зрабіў стаўку на «турыстаў класа люкс». Усе 35 аб’ектаў нерухомасці, якія займаюць плошчу 147 гектараў, былі выстаўлены на продаж у 2016 годзе з надзеяй, што знойдзецца замежны і заможны пакупнік.
Розныя затрымкі і пандэмія Covid-19 адклалі здзелку, але цяпер на нерухомасць зноў пачалі актыўна шукаць купца, паведамляе The Times.
Каментары
это была Автралия
но муж сказал -
успокойся
мы уже все решили
вы с ребенком отправляетесь на **
а мы создаем партизанский отряд вокруг самогонного аппарата
Сказочным существам предоставляецо ли скидка?