На Сусветным эканамічным форуме ў Давосе прызначылі адказнага за Беларусь
На Сусветным эканамічным форуме назначылі адказнага за Беларусь. Пра гэта паведаміў Франак Вячорка, дарадца Святланы Ціханоўскай. Паводле яго, з 800 чалавек, якія працуюць у арганізацыі Сусветнага эканамічнага форуму, не было адказнага за Беларусь. Цяпер жа такая асоба вызначана, і дэмсілы пачнуць з ёй працаваць.
Вячорка назваў удзел Святланы Ціханоўскай у форуме справай «сапраўды неардынарнай».
«Улічваючы тое, што на Форум запрашаюць далёка не ўсіх нават кіраўнікоў дзяржаў. Ёй далі два выступы ў асноўнай праграме, у тым ліку адзін на галоўнай сцэне, на якой выступалі за ўвесь тыдзень агулам толькі 35 спікераў. Важны сігнал нам, што Форум разумее важнасць беларускага пытання. Ранейшыя форумы мелі вялікае прадстаўніцтва Расіі, і месца для нас там не знаходзілася», — напісаў ён.
Паводле яго, арганізатары распавялі, што аднойчы на Форум прыязджаў былы міністр МЗС Уладзімір Макей, але не ўдзельнічаў у праграме форуму, толькі ў сайд-івэнтах, якія адбываюцца паралельна.
Важным наступным крокам у супрацы з WEF, лічыць Вячорка, было б стварэнне беларускага Global Shapers Hub. Гэта адзін з ключавых праектаў WEF. «Такі хаб пэўны час існаваў у Мінску, але кіраўніцтва Форуму гатова зрабіць выключэнне і дазволіць запусціць беларускі хаб у Вільні ці Варшаве. Таксама WEF гатовы прыняць беларусаў у праграму Young Global Leaders, таму не саромейцеся, падавайце заяўкі», — напісаў ён.
Чытайце таксама:
Ціханоўская ў Давосе канчаткова вызначылася з геапалітычным выбарам. Тлумачаць эксперты
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары