У Чэхіі завяршылася галасаванне ў другім туры прэзідэнцкіх выбараў. Ідзе падлік галасоў. Яўка, паводле папярэдніх звестак, склала амаль 70%, паведамляе «Свабода».
На пасаду кіраўніка дзяржавы прэтэндавалі генерал у адстаўцы Пэтр Павэл і былы прэм’ер-міністр Чэхіі, мільярдэр Андрэй Бабіш.
Па выніках падліку больш за 90% галасоў Павэл набірае каля 57%, Бабіш — каля 43%. Ён атрымаў большасць галасоў у прамысловых рэгіёнах Чэхіі.
Мяркуючы па ўсім, скараціць разрыў Бабішу ўжо не ўдасца. Прэм’ер-міністр Пэтр Фіяла ўжо павіншаваў Пэтра Павэла з перамогай. Уступленне на пасаду новага прэзідэнта адбудзецца 8 сакавіка пасля інаўгурацыі.
Пераможца зменіць на Пражскім Градзе Мілаша Зэмана. Яго доўгі час лічылі адным з найбольш прарасійскіх кіраўнікоў краін ЕС, але пасля 24 лютага Зэман рэзка ўзмацніў жорсткасць сваёй пазіцыі ў дачыненні да Масквы.
Пэтр Павэл — кадравы вайсковец, першы ў гісторыі Чэхіі і краін былога савецкага блоку кіраўнік Вайсковага камітэта NATO (у 2015-2018 гадах). Займае жорсткую пазіцыю ў дачыненні да расійскага нападу на Украіну, выступае за заходнюю арыентацыю Чэхіі, пры гэтым апелюе і да патрыятычных пачуццяў.
Андрэй Бабіш — былы прэм’ер-міністр, цяпер лідар найбуйнейшай апазіцыйнай партыі, мільярдэр. Незадоўга да выбараў суд апраўдаў яго ў справе аб махлярстве з датацыямі ЕС. Ядро выбарцаў Бабіша — пенсіянеры і людзі з невысокімі даходамі.
Першы тур выбараў прэзідэнта Чэхіі адбыўся 13 і 14 студзеня. Тады ні Павэл, ні Бабіш не набралі больш за палову галасоў выбаршчыкаў.
Чэхія — парламенцкая рэспубліка, але фігура прэзідэнта ў краіне традыцыйна карыстаецца павагай і вялікім уплывам.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»2
Каментары
Его избрали Граждане Чешской республики.
цікава, за каго Satan прагаласаваў?