Свет11

Праз вайну ва Украіне Швейцарыя можа змяніць фармат свайго нейтралітэту

Парламент Швейцарыі ў чацвер абмяркуе законапраект, які дазваляе пастаўляць боепрыпасы швейцарскай вытворчасці ва Украіну і накіраваць танкі краінам, чый ваенны патэнцыял знізіўся за кошт перадачы танкаў Украіне. Падобныя размовы былі немагчымыя ў Швейцарыі яшчэ год таму, да расійскага ўварвання ва Украіну, піша «Агентство. Новости» са спасылкай на Bloomberg.

Праект, распрацаваны Свабоднай дэмакратычнай партыяй (FDP), прадугледжвае выдачу Германіі, Іспаніі і Даніі дазволу на пастаўку Украіне швейцарскіх боепрыпасаў і продаж Польшчы, Славакіі і Чэхіі танкаў Leopard наўзамен тэхнікі, якую краіны плануюць адправіць Украіне.

Гаворка ідзе пра 96 танкаў Leopard-2, выкарыстанне якіх было спыненае амаль дзесяць гадоў таму для далейшага вываду з эксплуатацыі. Іх продаж запатрабуе рашэння парламента аб правядзенні працэдуры вываду з эксплуатацыі. Запыты аб куплі ад еўрапейскіх краін пакуль не прыходзілі, паведаміла прэс-служба Мінабароны Швейцарыі на запыт Bloomberg. 

Вайна ва Украіне змяніла абмеркаванне фармату швейцарскага нейтралітэту, паведаміла агенцтву дэпутатка ад FDP Мая Рынікер.

«Мы не можам адмовіцца ад нейтралітэту, але нам трэба абмеркаваць, якія ў нас ёсць магчымасці для падтрымкі краін, якія адстойваюць тыя ж дэмакратычныя каштоўнасці, што і Швейцарыя», — сказала Рынікер.

Яе прапанова перадаць танкі за сімвалічны адзін франк за кожны было адхіленае ў першым чытанні на мінулым тыдні, але дэпутат хоча вынесці яго на паўторны разгляд вясной.

Разам з тым дэпутат найбуйнейшай прадстаўленай у парламенце швейцарскай народнай партыі Томас Эскі заявіў агенцтву, што яго партыя не плануе галасаваць за законапраекты аб пашырэнні ваеннай падтрымкі.

Аднак 55% жыхароў краіны падтрымлівае рээкспарт боепрыпасаў швейцарскай вытворчасці, каб дапамагчы Украіне, гэта вынікае з нядаўняга апытання, вынікі якога ёсць у распараджэнні Bloomberg.

Швейцарыя адмовілася пастаўляць зброю Украіне ў адпаведнасці з палітыкай нейтралітэту. У лістападзе прэзідэнт Швейцарыі Іньяцыа Касіс заявіў, што краіна «не будзе прама ці ўскосна ўдзельнічаць у ваенным канфлікце». «Ні падчас Першай сусветнай вайны, ні нават падчас Другой мы не экспартавалі ўзбраенне», — падкрэсліў ён.

Вайна ва Украіне ўжо прымусіла адмовіцца ад нейтральнага статусу Фінляндыю і Швецыю, якія вясной мінулага года падалі заяўку на ўступленне ў НАТА.

Каментары1

  • мясцовы2
    02.02.2023
    Вайсковы нэйтралітэт у сучасным сьвеце - гэта або калі ты жывеш у Антарктыдзе, або інфантыльныя ўяўленні аб сучасным жыцці.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны42

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць