Журналіст Дзмітрый Гурневіч у фэйсбуку падзяліўся сваімі назіраннямі за стаўленнем чэхаў да сваёй прыроды. І лічыць, што сакрэт чэшскай прыгажосці — у стаўленні да старых дрэў.
З захапленнем назіраю, як чэхі ставяцца да сваёй прыроды. У рэгіёне Маравія перад дарожнікамі паўстала дылема —
трэба было абрэзаць ці проста высечы старыя дрэвы на двухкіламетровай алеі так, каб яны не стваралі пагроз кіроўцам, але адначасова каб захавалася прыгажосць гасцінца і біяразнастайнасць, бо ў дрэвах жыве шэсць гатункаў розных казуркаў і кажаноў.
І ім гэта ўдалося. Упраўленне дарог Чэхіі, якому належыць адрэзак зямлі, звярнулася па дапамогу ў Агенцтва аховы прыроды і ландшафту, і яны разам распрацоўвалі план. «Аперацыя» дашліфоўвалася год, а тэрміны ў выніку пераносіліся, каб былі мінімальныя страты.
І вось гэтымі днямі адбываецца фінал.
Энтамолагі абследавалі кожнае дрэва і па кожным прымалі асабістае рашэнне, як ставіцца канкрэтна да яго.
Крыху далей ад дарогі ўжо пасадзілі новую дубовую алею (бачная на здымках), каб яна з часам замяніла першапачатковую.
Вось з якім трымценнем піша пра такія алеі часопіс Агенцтва аховы прыроды:
«Алеі і шэрагі дрэў суправаджалі чалавека ў яго падарожжах са спрадвечных часоў. Першыя ўзніклі ўжо ў Сярэднявеччы і піку папулярнасці дасягнулі ў эпоху барока і сталі неад'емнай часткай так званага складзенага пейзажу. Роля алей была не толькі эстэтычнай, яны спалучалі ў сабе ландшафтаўтваральную, стратэгічную (напрыклад, арыентаванне на мясцовасці, прыкрыццё надыходзячых войскаў) і вытворчую функцыю (алеі фруктовых дрэў кармілі надыходзячыя войскі). Гэтая шматфункцыянальнасць алей была настолькі важная, што запатрабавала змен у заканадаўстве (юрыдычныя абавязацельствы па стварэнні алей уздоўж новых дарог — дэкрэт Марыі Тэрэзіі ад 1752 г.)».
У гэтым стаўленні да старых дрэў, у прынцыпе, і ўвесь сакрэт — чаму Чэхія такая прыгожая краіна.
Чытайце таксама:
Найлепшыя — светлыя і смаляністыя. Як і навошта збіраюць ураджай з яловых плантацый
-
На магіле Вячкі Станкевіча на помніку — ні слова па-беларуску. Вось пра што гэта кажа наконт эмігрантаў, эміграцыі і «беларускасці ўнукаў»
-
Львоўскі: У Беларусі нацыянальнае свята — гэта рыцарскія турніры, у Расіі — сарафаны і карагоды
-
Прарыў мараканцаў у Сеуту: што гэта было? Ці магла гэта быць тонкая помста Вашынгтона Мадрыду? І ці адаб’ецца на легалізацыі беларусаў?
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
а потом пилили другие деревья на ограждения вдоль полей вместо естественной защиты - деревьев и кустов
памятаем-памятаем