Каля 200 ледзянцоў, якія змяшчаюць асабліва небяспечны псіхатроп, выявілі супрацоўнікі Мінскай рэгіянальнай мытні ў пасылцы, што прыйшла з Японіі. Падрабязнасці інцыдэнту паведамілі ў Дзяржаўным мытным камітэце.
Парушэнне было выяўлена ў пункце мытнага афармлення «Мінская пошта». Атрымальніцай пасылкі, у якой сярод іншага былі пазначаныя медыкаменты, касметыка і прадукты харчавання, з'яўляецца жыхарка Гомеля.
Падазроныя «прысмакі» мытнікі накіравалі на экспертызу, у выніку якой высветлілася, што ў складзе ледзянцоў ёсць асабліва небяспечны псіхатроп N-метылэфедрын.
Па факце ўвозу ў Беларусь наркатычнага рэчыва праводзіцца праверка на наяўнасць прыкмет злачынства, пазначанага ў арт. 328-1 КК Беларусі. Максімальная санкцыя, прадугледжаная гэтым артыкулам, — да 7 гадоў пазбаўлення волі.
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары