«Мая мова беларуская, таму што мы беларусы. Наша дзяржава — Беларусь, і мы вялікі культурны народ», — гэтыя словы Зянона Пазняка, пакладзеныя на музыку, завірусіліся ў тыктоку. І нечакана відэа пад іх сталі запісваць не толькі прыхільнікі нацыянальнага руху.
Пры канцы мінулага і на пачатку гэтага года з'явілася некалькі ролікаў, запісаных пад словы Пазняка на фоне дзяржаўнага чырвона-зялёнага сцяга. Здзіўляе, што патрыятычны ролік пра беларускую мову ў некаторых з іх стаіць па суседстве з відэа ў падрымку расійскай арміі ці Лукашэнкі.
«Есть кто-нибудь из Белоруссии?» — падпісвае ролік хлопец з чырвона-зялёнай маскай на твары.
Есть кто-нибудь из Белоруссии? Украина на связи❓Россия здесь?
А ў гэтай карыстальніцы, апроч патрыятычнага роліка пра беларускую мову, ёсць відэа пад словы Лукашэнкі «Любімую не аддаюць», а таксама ролік пра «Дажынкі».
Наступная жанчына ў сваёй стужцы посціла відэа ў падтрымку расійскай арміі з подпісамі «Фашызму не. Za Расію. Za нашых дзядоў і прадзедаў» і «На каленях з вамі на пралом».
Яшчэ адно відэа — на фоне графіці з дзяржаўным чырвона-зялёным сцягам.
Апошні кантэнт гэтай дзяўчыны — збольшага агляды касметыкі. Але сустракаецца і відэа пад песню расійскага спевака Шамана са словамі «героі Расіі застануцца ў нашых сэрцах».
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары