«90% выбіраюць бюджэтныя букеты і плацяць картай растэрміноўкі». Колькі ў Мінску цяпер каштуюць кветкі і які на іх попыт
Дзень мінуў, але наперадзе 8 сакавіка — дзень, калі жанчынам таксама традыцыйна масава дораць кветкі. Сайт Blizko.by даведаўся, у якім цанавым дыяпазоне знаходзяцца цюльпаны і колькі грошай жыхары Мінска гатовыя выдаткаваць на букет.
«У першую чаргу, трэба звяртаць увагу, ці свежыя кветкі. Калі выбар стаіць паміж адкрытымі і закрытымі бутонамі, лепш выбіраць, вядома, другія. Вытворцаў цюльпанаў можна падзяліць на беларускіх і галандскіх. Першыя не вельмі добрай якасці, — распавядае Сяргей, дырэктар кветкавай крамы. — Як з градкі, а другія, гэта значыць, галандская цыбуліна, зусім інакш выглядаюць».
Звычайны пакупнік наўрад ці візуальна вызначыць, дзе які вытворца, але пры жаданні можа вывучыць інфармацыю і задаць фларысту канкрэтныя пытанні.
Якая цяпер сярэдняя цана цюльпанаў і якую варта чакаць?
«Цяпер у Мінску цэны на цюльпаны вар'іруюцца ад 3 да 4 рублёў за штуку. 8 сакавіка яны будуць каштаваць каля 3-3,5 рубля, але, як правіла, у кветкавых крамах колькасць уплывае на выніковую цану».
Дзе лепш купляць: у пераходзе, у краме ці на «Камароўцы»?
«Лепш купляць у краме, а не на вуліцы ля перахода, дзе яны ўжо паспеюць замарозіцца і абветрыцца перад тым, як вы іх купіце. — У спецыялізаваных крамах заўсёды якасць будзе лепшай. Так, кошт вышэйшы, але гэта ўжо пытанне прыярытэтаў.
Якія букеты часцей за ўсё купляюць на святы?
«На 8 сакавіка ў любым выпадку купляюць цюльпаны, таму што цана адыгрывае важную ролю, а на 14 лютага — ружы, цюльпаны і хрызантэмы традыцыйна ў прыярытэце. Параіць нейкі пэўны букет не магу — усё ўпіраецца ў тое, колькі чалавек гатовы на яго выдаткаваць.
На прыкладзе мінулага Дня ўсіх закаханых магу сказаць, што бюджэты ў людзей скараціліся:
90% наведвальнікаў крамы выбіраюць, па-першае, самыя бюджэтныя варыянты, па-другое, аплачваюць іх картай растэрміноўкі.
Таму складана сказаць, колькі ў сярэднім людзі гатовыя выдаткаваць на букет. Напэўна, каля 50 рублёў».
Чытайце таксама:
Воцатнае дрэва і «помста суседа». Гэтая расліна ўваходзіць у моду ў Беларусі, бо яна і прыгожая, і практычная
На Камароўцы з’явіліся першыя цюльпаны. Колькі яны каштуюць?
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая50
Каментары
вось ужо сапраўды - жил-был художник не один...