Расійскі камандзір заклікаў «знесці перад сабой усё», каб узяць «недагорад Вуглядар»
Камандзір батальёна «Усход» Аляксандр Хадакоўскі заклікаў ужываць тактыку татальнага разбурэння ўкраінскіх гарадоў.
«Мы зносім перад сабой усё, што праціўнік можа выкарыстоўваць як сховішча, і таму такія наступствы. Вопыт баёў у Марыупалі паказаў, што дастаткова пары пісьменна арганізаваных узводаў, каб трымаць батальён. Каб трапіць у будынак і праводзіць у ім зачыстку — да будынка яшчэ трэба падысці», — напісаў ён у сваім тэлеграм-канале.
«Праціўнік косіць агнём штурмавікоў на падыходах, і толькі адно выйсце — зносіць гэты будынак да нейкай там маці хоць чым. Цяпер гэты недагорад Вуглядар чарговы раз дэманструе маю рацыю. Нагадаю, што ў першы дзень вырашальнага наступу на Севастопаль немцы патрацілі чатыры тысячы тон снарадаў. Калі мы хочам узяць Вуглядар — нам нічога не застаецца, акрамя як зносіць перад сабой усё. Але чым? Пакуль не знясём — класці асабісты склад у беспаспяховых спробах адваяваць хоць кавалак — няправільна», — задаецца пытаннем ён.
На пачатку лютага Расія зрабіла чарговую спробу штурмаваць Вуглядар, але страціла як мінімум 71 адзінку тэхнікі, у тым ліку дзясяткі танкаў, і, імаверна, сотні марскіх пехацінцаў Ціхаакіянскага флоту забітымі і параненымі.
Аляксандр Хадакоўскі здрадзіў Украіне і перайшоў на бок Расіі ў 2014 годзе. На той момант ён камандаваў данецкім атрадам «Альфа» Службы бяспекі Украіны. У 2022 годзе гэты 50-гадовы афіцэр удзельнічаў у штурме Марыупаля, падчас якога загінулі, па розных ацэнках, або тысячы, або дзясяткі тысяч жыхароў гэтага горада на беразе Азоўскага мора.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары