Уладальніка бара «Банкі-Бутэлькі» і яго жонку асудзілі за ўдзел у маршах і выпусцілі з СІЗА
У судзе Маскоўскага раёна Мінска 31 студзеня асудзілі ўладальніка бара «Банкі-Бутэлькі» Андрэя Жука і ягоную жонку Марыю. Іх абвінавацілі паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Праваабаронцам стала вядома, што суддзя Сяргей Кацэр прызначыў Андрэю 2,5 года «хіміі». Аб прысудзе Марыі не паведамляецца.
Пасля шасці месяцаў за кратамі іх вызвалілі. Сужэнцы апублікавалі своё фота ў інстаграме.
Нагадаем, 3 жніўня на Зыбіцкай прайшоў вулічны канцэрт спявачкі Мэрыем Герасіменка на тэрасе бара «Банкі-бутэлькі». Яна спявала песню «Океана Эльзи» «Обійми». Спявачку затрымалі і двойчы арыштавалі на 15 сутак, а потым завялі крымінальную справу паводле ч. 1 арт. 342 КК.
На наступны дзень пасля канцэрта ў бар прыйшлі праверкі з санстанцыі і МНС. Уладальнік бара Андрэй Жук пазней быў затрыманы, як і яго жонка Марыя.
20 студзеня Мэрыем асудзілі таксама па «народным» артыкуле да трох гадоў «хатняй хіміі».
-
Сталі вядомыя падрабязнасці вясновай трагедыі ў Полацкім манастыры, калі жанчына загінула пры пажары. Усяму віной п'янства
-
У Гродне п'яны мужчына пайшоў на прыпынак і пужаў хлопчыка пнеўматычным пісталетам
-
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта
Каментары