«Перамога яшчэ не здабытая». Кіраўніца інтэрнэт-праектаў АНТ звольнілася. І пераехала жыць у Аўстралію
Святлана Ціханава сышла з пасады дырэктаркі дырэкцыі інтэрнэт-праектаў АНТ у верасні мінулага года.
На тэлеканале дзяўчына прапрацавала 10 гадоў, кіраўніцай дырэкцыі стала са студзеня 2020-га. Датуль была была прэс-сакратаркай АНТ.
У інтэрв'ю «СБ», расказваючы пра поспехі дырэкцыі, яна адзначыла інтэрв'ю Марата Маркава з Раманам Пратасевічам, якое сабрала шмат праглядаў у інтэрнэце.
У адказ на пытанне пра працу пасля фальсіфікаваных выбараў 2020 года і масавых рэпрэсій, якія за тым пачаліся, Святлана падзялілася:
«Я ўдзячная людзям са сваёй дырэкцыі, якія засталіся і працягвалі працаваць, нягледзячы на ціск. Мы пабывалі на вайне — без страт, вядома, не абышлося, перамога яшчэ не здабытая, але мы сапраўды сталі мацнейшыя духам».
Цяпер Святлана жыве ў аўстралійскім горадзе Брысбен.
Каментаваць свой сыход з канала дзяўчына не стала.
Тэлеканал АНТ — адзін з рупараў лукашэнкаўскай прапаганды. У сюжэтах апраўдваюць палітычныя справы, паказваюць кадры допытаў са следчых органаў. Кіраўнік канала Марат Маркаў выпускаў інтэрв'ю не толькі з Пратасевічам, але і са спартоўкай Надзеяй Астапчук, для якой гэтай гутарка, імаверна, была ўмовай выхаду на волю. АНТ таксама паслядоўна распальвае варожасць да краін Захаду, да якога належыць і Аўстралія, што далучылася да санкцый супраць лукашэнкаўцаў.
Чытайце таксама:
Два вядучыя супрацоўнікі АНТ сышлі з канала і з'ехалі за мяжу
За год у Польшчы беларусы адкрылі больш за 1700 фірмаў
«Муж мой занятак не падтрымаў, развяліся». Беларуска захапілася танцамі і паехала працаваць у начным клубе Кітая
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары