П'янага беларуса на фуры затрымалі спачатку ў Нідэрландах, а потым у Германіі
Нецвярозаму 34-гадоваму беларусу на грузавіку забаранілі далейшы рух у Нідэрландах, але праз некалькі гадзін яго прыйшлося канчаткова спыняць у Германіі. Пра гэта паведаміла нямецкая паліцыя.
Машыну праверылі ў сераду 22 лютага ў 18.30 на тэрыторыі аднаго з прадпрыемстваў у прамысловай зоне камуны Ластруп у нямецкай зямлі Ніжняя Саксонія. Прычынай стаў сігнал ад аднаго з удзельнікаў дарожнага руху пра тое, што згаданы грузавік рухаўся па трасе ў вельмі небяспечнай манеры.
Пры першым жа кантакце з кіроўцам фуры нямецкія праваахоўнікі зразумелі, што ён знаходзіўся ў стане моцнага алкагольнага ап'янення. Таксама ў кабіне знайшлі некалькі піўных бляшанак і бутэлек.
Акрамя таго, тут жа выявілі дакумент, выдадзены паліцыяй Нідэрландаў. З яго вынікала, што шафёра некалькі гадзін таму ўжо праверылі ў галандскай грамадзе Зволе, і там алкатэстар засведчыў наяўнасць у арганізме мужчыны каля 2,00 праміле алкаголю. У беларуса там узялі ўзор крыві, забаранілі далейшую паездку і канфіскавалі правы, аднак ён працягнуў шлях.
Алкатэст, праведзены ўжо нямецкімі паліцэйскімі, засведчыў наяўнасць у арганізме шафёра ўжо 2,64 праміле алкаголю. У яго таксама ўзялі ўзор крыві, а каб дакладна выключыць магчымасць новага трапляння за руль, узялі на ноч пад варту.
Дастаўку грузу, які знаходзіўся ў прычэпе аўтамабіля, працягнуў іншы кіроўца.
Чытайце таксама:
Беларускі дальнабойшчык загінуў у Польшчы ў ДТЗ
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя13
Каментары